23.06.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Ուկրաինան ստիպված է դիմել նման հարվածների. մոտ 700 քառ․ կմ տարածք ենք գրավել. Ալեքսանդր Բոժկո․ ՏԵՍԱՆՅՈՒԹ
Քաղաքականություն
12.08.2024 | 20:00
Արևմուտքը հույս ունի, որ պատերազմը կխաղաղվի, սակայն չի խաղաղվելու, ստիպված ենք լինելու խոսել ռուսների։ Factor TV-ի հետ զրույցում նման կարծիք հայտնեց ուկրաինացի դիվանագետ, ՀՀ-ում Ուկրաինայի նախկին դեսպան, հայագետ Ալեքսանդր Բոժկոն։
Անդրադառնալով Կուրսկում ուկրաինական զորքերի գործողություններին ու առաջխաղացումներին՝ դիվանագետը նշում է՝ Ուկրաինան ստիպված է դիմել նման հարվածների, քանի որ ռուսներն ուղղակի գնդակոծում, մաքրում են ուկրաինական ծաղկուն քաղաքները, անապատ դարձնում։
Ալեքսանդր Բոժկոն նշում է, որ վաղ թե ուշ ստիպված են լինելու բանակցությունների սեղանի շուրջ նստել, և հիմա Կիևը փորձում է ավելի շահավետ դիրքեր ստեղծել ապագա բանակցությունների համար։ Միաժամանակ, ուկրաինական կողմը, ըստ մեր զրուցակցի, մի քանի հարյուր ռուսների է գերեվարել՝ հետագայում ուկրաինացի գերիների հետ փոխանակելու համար։
Ուկրաինացի դիվանագետի տեղեկացմամբ՝ Դոնբասում իրադրությունը բավական լուրջ է։
«Ռուսները հաշվի չեն նստում իրենց զոհերի հետ, ուղղակի հազարավոր մարդկանց են ուղարկելում զոհվելու։ Մեր զինվորները պատմում են, որ այնտեղ ուղղակի դիակներ են կուտակված, չեն հասցնում դուրս բերել՝ ո՛չ ռուսները, ո՛չ մերոնք»,- նշեց Ալեքսանդր Բոժկոն։
Հարցազրույցն ամբողջությամբ՝ տեսանյութում։
Թամարա Հակոբյան
