07.10.2026 | 23:48
Արթուր Դանիելյանը կալանավորվեց
Վենեսուելայի ընդդիմությունը կոչ է անում բողոքի ցույցեր անցկացնել ամբողջ աշխարհում
Քաղաքականություն
12.08.2024 | 12:54
Վենեսուելայի ընդդիմությունը կոչ է արել օգոստոսի 17-ին բողոքի ցույցեր կազմակերպել «Վենեսուելայի փողոցներում և ամբողջ աշխարհում»՝ անհամաձայնություն հայտնելով ընտրություններում հանրապետության ղեկավար Նիկոլաս Մադուրոյի հայտարարված հաղթանակի հետ, գրում է DW-ի ռուսական ծառայությունը։
«Այս ուղերձը ձեզ համար է, ովքեր իրենք իրենց չեն ճանաչում այսօրվա Վենեսուելայում, ովքեր հոգնել են իրենց ընտանիքների բաժանումից, ովքեր քվեարկել են և ցանկանում են, որ հարգվի այն, ինչ որոշեցիք հուլիսի 28-ին», – հայտարարել է ընդդիմության առաջնորդ Մարիա Կորինա Մաչադոն X սոցցանցի իր էջում։
Մաչադոն նաև կոչ է արել ակտիվություն դրսևորել իրենց բնակության վայրերում և կիսվել իր ուղերձի տեսանյութով բոլոր նրանց հետ, ում ցանկանում են հրավիրել միանալու բողոքի ցույցերին։ Ընդդիմության առաջնորդի տեսաուղերձը հրապարակումից հետո 4 ժամվա ընթացքում դիտվել է ավելի քան մեկ ու կես միլիոն անգամ։
Ընդդիմության թեկնածու Էդմունդո Գոնսալես Ուրուտիան, որը փոխարինեց Մաչադոյին քվեաթերթիկում այն բանից հետո, երբ նրան արգելեցին առաջադրվել, հայտարարել է. «Մենք կհաղթենք, Վենեսուելան կհաղթի։ Կհանդիպենք 17-ին»։
Երկու ընդդիմադիր առաջնորդները մեկ շաբաթից ավելի ընդհատակում են․ Մաչադոն վերջերս հայտարարել էր, որ վախենում է իր կյանքի համար։
