07.10.2026 | 16:15
Գարեգին Երկրորդը իրավաբանների ու սահմանադրագետների հետ քննարկել է Եկեղեցու դեմ նախաձեռնությունները
Մեկ օրվա ընթացքում 8 հազար մարդ լքել է ՌԴ Կուրսկի շրջանը
Քաղաքականություն
11.08.2024 | 19:11
Միջգերատեսչական օպերատիվ շտաբում ՌԴ ԱԻՆ ներկայացուցիչ Արտեմ Շարովը հայտնել է, որ վերջին 24 ժամվա ընթացքում շրջանի սահմանամերձ շրջանները լքել է 8 հազար մարդ։ Նա պարզաբանել է, որ բնակիչներին տեղավորում են ժամանակավոր կացարաններում ինչպես Կուրսկի շրջանում, այնպես էլ այլ շրջաններում, գրում է «Կոմերսանտ»-ը։
«Վերջին 24 ժամվա ընթացքում ավելի քան 8 հազար մարդ ինքնուրույն կամ կազմակերպված շարասյուններով լքել է սահմանամերձ շրջանները։ Ժամանակավոր պահման վայրերում կա ավելի քան 6 հազար մարդ։ Կա ազատ տեղերի անհրաժեշտ ռեզերվ»,- ասել է Արտեմ Շարովը մամուլի ասուլիսի ընթացքում։
Արտակարգ իրավիճակների նախարարության ներկայացուցչի խոսքով՝ ժամանակավոր պահման վայրի բնակիչների հետ աշխատում են շտապ հոգեբանական օգնության աշխատակիցները։ Նա նաև հայտնել է, որ մարդասիրական օգնության ևս հինգ շարասյուն այսօր կժամանի Կուրսկի շրջան՝ ժամանակավոր տեղակայման կենտրոններ տեղակայելու համար։ Ավելի վաղ Արտակարգ իրավիճակների նախարարությունը հայտնել էր, որ տարածաշրջան է արդեն հասցվել է 80 տոննա մարդասիրական օգնություն։
