22.02.2026 | 13:09
Երևանում սպասվում են տեղումներ՝ ձնախառն անձրևի և անձրևի տեսքով
Շոլցը Նեթանյահուին կոչ է արել հրադադար հաստատել Գազայի հատվածում
Քաղաքականություն
11.08.2024 | 18:18
Գերմանիայի կանցլեր Օլաֆ Շոլցը Իսրայելի վարչապետ Բենիամին Նեթանյահուի հետ հեռախոսազրույցում ասել է, որ «ժամանակն է» համաձայնագիր կնքել արմատական իսլամիստական ՀԱՄԱՍ շարժման հետ՝ պատանդների ազատ արձակման և Գազայի հատվածում հրադադարի մասին։ Այս մասին կիրակի օրը՝ օգոստոսի 11-ին, լրագրողներին ասել է Գերմանիայի կառավարության պաշտոնական ներկայացուցչի տեղակալ Վոլֆգանգ Բյուխները. փոխանցում է DW-ն։
«Իսրայելի բազմաթիվ նպատակներ ՀԱՄԱՍ-ի դեմ պատերազմում իրականացվել են, սակայն մարդկային տառապանքները և քաղաքացիական զոհերը հսկայական են»,- ասել է Շոլցը Իսրայելի վարչապետին:
Գերմանիայի կառավարության ղեկավարը լուրջ մտահոգություն է հայտնել Մերձավոր Արևելքում տարածաշրջանային հակամարտության սպառնալիքի կապակցությամբ։ Միաժամանակ նա Նեթանյահուին հասկացրելէ, որ Բեռլինը խստորեն դատապարտում է Իրանի և լիբանանյան «Հեզբոլլահ» արմատական շարժման կողմից Իսրայելի դեմ ուղղված սպառնալիքները։
