27.05.2026 | 22:19
Ի դեմս Փաշինյանի` հայհոյանքով, տառապանքով, դավաճան գոռալով հասանք խաղաղության հանգրվանի. Միքայելյան. ՏԵՍԱՆՅՈՒԹ
Բաքվից ենք տեղեկություն ստանում․ կես էջանոց թուղթ ենք ունենալու, որը Ադրբեջանի համար հաղթաթուղթ կլինի. Գեղամ Մանուկյան. ՏԵՍԱՆՅՈՒԹ
Քաղաքականություն
09.08.2024 | 21:00
ՀՀ ԱԺ «Հայաստան» խմբակցության պատգամավոր Գեղամ Մանուկյանը Factor TV-ի հետ զրույցում խնդրահարույց է համարում այն, որ հայ հասարակությունը երկրի կարևորագույն հարցերի շուրջ տեղեկություն ստանում է ոչ թե Հայաստանի, այլ Ադրբեջանի իշխանություններից։
«Երկրորդ խնդրահարույց բանն այն է, որ եթե տրանսպորտային ուղիների ապաշրջափակման հարցը հանվել է պայմանագրի նախագծից, փաստաթղթում ի՞նչ է մնացել։ Արդյունքում ունենալու ենք կես էջանոց մի թուղթ, որը հիմնարար փաստաթուղթ չէ»,- ասում է պատգամավորը։
Մանուկյանի խոսքով՝ դիմել են ՀՀ արտգործնախարարություն, խնդրել խաղաղության պայմանագրի փաթեթը, որպեսզի հասկանան, թե որ կետերն են դուրս մնացել, սակայն Արարատ Միրզոյանի ղեկավարած ԱԳՆ-ից այն դեռ չեն տրամադրել։ Պատգամավորն ասում է, որ խաղաղության պայմանագրի կնքման դեպքում Հայաստանը որևէ շահ չի ունենա։
«Բաքվի համար դա հաղթաթուղթ կլինի, Հայաստանի համար՝ սպիտակ դրոշակ, որով Նիկոլ Փաշինյանի իշխանությունը կխաբի և կմանիպուլացնի հայ հասարակությանը»,- ասում է Գեղամ Մանուկյանը։
Պատգամավորը խոսում է նաև ՀՀ Սահմանադրության փոփոխության՝ Ադրբեջանի պահանջի, հայ-թուրքական հարաբերությունների, սահմանազատման գործընթացի, ԵՄ-ին անդամակցության և օրակարգային այլ հարցերի մասին։
Հարցազրույցն ամբողջությամբ՝ տեսանյութում։
Արփի Հակոբյան
