22.11.2024 | 21:28
Պուտինի հետ «ուղիղ կապի» ժամանակ հարցերի տոտալ գրաքննություն կկիրառվի
Կատարը, Եգիպտոսն ու ԱՄՆ-ն Իսրայելին և ՀԱՄԱՍ-ին կոչ են արել շտապ վերսկսել բանակցությունները
Քաղաքականություն
09.08.2024 | 13:16
Կատարի, Եգիպտոսի և ԱՄՆ-ի իշխանությունները Իսրայելին և պաղեստինյան ՀԱՄԱՍ-ին կոչ են արել վերսկսել բանակցությունները Գազայի հատվածում հրադադարի և անցյալ տարվա հոկտեմբերի 7-ի հարձակման ժամանակ գերեվարված իսրայելցի պատանդների ազատ արձակման շուրջ, փոխանցում է BBC-ի ռուսական ծառայությունը։
«Մենք կողմերին կոչ ենք արել շտապ վերսկսել բանակցությունները օգոստոսի 15-ին Դոհայում կամ Կահիրեում, որպեսզի լուծվեն մնացած բաց հարցերը և սկսվի համաձայնագրի իրականացումը առանց հապաղման»,- ասվում է համատեղ հայտարարության մեջ:
Բանակցությունների վերսկսումը տարածաշրջանում լարվածությունը նվազեցնելու և անցյալ շաբաթ Թեհրանում ՀԱՄԱՍ-ի առաջնորդ Իսմայիլ Հանիեի սպանությունից հետո սրացումից խուսափելու փորձ է։
Իրանի իշխանությունները և լիբանանյան «Հըզբոլլահ» շարժումը հատուցում են խոստացել Իսրայելին, որը չի ընդունել իր մասնակցությունը Հանիեի սպանությանը։
ԱՄՆ պետքարտուղար Էնթոնի Բլինքենն այս շաբաթ ուղիղ կոչով դիմել է Իրանին և Իսրայելին՝ խուսափելու Մերձավոր Արևելքում էսկալացիայից:
