11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Պուտինն օրենք է ստորագրել, որն ընդլայնում է ՌԴ-ում օտարերկրյա կազմակերպություններն «անցանկալի» ճանաչելու հնարավորությունները
Քաղաքականություն
08.08.2024 | 21:02
ՌԴ նախագահ Վլադիմիր Պուտինը ստորագրել է օրենսդրության փոփոխությունների նախագիծը, ըստ որոնց՝ ցանկացած օտարերկրյա կազմակերպության աշխատանք, այդ թվում՝ օտարերկրյա պետության պետական կառույցների կողմից ստեղծված, կարող է «անցանկալի» ճանաչվել Ռուսաստանում, գրում է BBC-ի ռուսական ծառայությունը։
Օրենքի նախկին տարբերակով Ռուսաստանում «անցանկալի» կարող էր ճանաչվել միայն հասարակական կազմակերպության գործունեությունը։
Պետդուման հուլիսի 23-ին երրորդ և վերջնական ընթերցմամբ ընդունել է փոփոխությունները։
Պետդումայի նախագահ Վյաչեսլավ Վոլոդինն ավելի վաղ բացատրել էր չափանիշների ընդլայնման անհրաժեշտությունը՝ ասելով, որ արևմտյան երկրների պետական կառույցների կողմից ստեղծված կազմակերպությունները, իբր, նպատակաուղղված գործողություններ են իրականացնում Ռուսաստանի դեմ, ինչը սպառնում է երկրի անվտանգությանը։
«Անցանկալի» ճանաչված կազմակերպության հետ համագործակցությունը պատժվում է տուգանքով, իսկ կրկնակի խախտումը՝ առավելագույնը չորս տարի ժամկետով ազատազրկմամբ։
