22.04.2026 | 23:30
ՀՀ տարածքում ավտոճանապարհները հիմնականում անցանելի են
Բռնության ենթարկված Արամ Երիցյանին կալանավորելու միջնորդությունը դատարանը մերժեց երկրորդ անգամ
Հասարակություն
07.08.2024 | 23:07
Երևան քաղաքի ընդհանուր իրավասության քրեական դատարանը` այս անգամ դատավոր Մարտին Արզումանյանի նախագահությամբ, մերժել է Արամ Երիցյանին կալանավորելու միջնորդությունը: Այս մասին տեղեկացնում է նրա փաստաբան Ռուբեն Մելիքյանը:
Հիշեցնենք, որ օրերս պարեկային ծառայողների կողմից բռնության ենթարկված Արամ Երիցյանին կալանավորելու միջնորդությունը 3 օր առաջ մերժել էր դատավոր Նելլի Բաղդասարյանը, սակայն Երիցյանին այսօր կրկին ձերբակալել էին և կալանավորման միջնորդություն ներկայացրել: Նրա պաշտպան Ռաֆայել Ջհանգիրյանը Factor.am-ին փոխանցել էր, որ Երիցյանին ձերբակալել են նույն քրեական վարույթի շրջանակում, սակայն այլ հիմքով:
Հիշեցնենք՝ Երիցյանին դաժանորեն ծեծի ենթարկելու մասին ահազանգել էր եղբայրը` փաստաբան Ռոման Երիցյանը։ Նրա փոխանցմամբ՝ ավտոմեքենան սխալ տեղում կայանելու համար միջադեպ է տեղի ունեցել Պարեկային ծառայության աշխատակիցների և եղբոր միջև։ Քննչական կոմիտեի և Երիցյանի կողմից հրապարակված տեսանյութերում, որոնք պարեկային ծառայողին ամրակցված տեսագրող սարքից են վերցված, երևում է, թե ինչպես են պարեկները փորձում ձեռնաշղթաներ հագցնել և բերման ենթարկել Արամ Երիցյանին, սակայն վերջինս ընդդիմանում է ձեռնաշղթաներ հագցնելուն, նշելով, որ առանց դրանց կգնա բաժին։ Տեղի է ունենում քաշքշուք, որից հետո պարեկային ծառայողները գետնին են տապալում Երիցյանին և մոտ տարածությունից արցունքաբեր գազ կիրառում։
Արփի Հակոբյան
