Թուրքիայում առցանց պատվերների նոր տուրք են սահմանել՝ մինչ գնաճի պատճառով թուրքերն ավելի շատ են գնումներ կատարում էլեկտրոնային հարթակներում

Թուրքիայի նախագահ Ռեջեփ Թայիփ Էրդողանը հրամանագիր է ստորագրել արտերկրից պատվիրված ապրանքների համար նոր մաքսատուրքեր սահմանելու մասին։ Այս քայլը զգալիորեն կազդի թուրք սպառողների համար միջազգային առցանց գնումներ կատարելիս։

Հրամանագրի համաձայն՝ Եվրամիությունից պատվիրված 30 եվրոյից ցածր արժեքով ապրանքների համար այժմ կգործի 30 տոկոս մաքսատուրք, իսկ ԵՄ անդամ չհանդիսացող երկրների ապրանքների դեպքում՝ 60 տոկոս։ Սա տեղի է ունենում թուրք սպառողների շրջանում միջազգային գնումներ կատարելու աճող միտման ֆոնին, որը պայմանավորված է երկրում բարձր գնաճով:

Թիվ 4458 մաքսային օրենքի որոշ դրույթներ փոփոխող հրամանագիրը նաև նախատեսում է, որ մինչև 1500 եվրո արժեքով ապրանքների ոչ առևտրային խմբաքանակները, ներառյալ՝ դեղագործական ապրանքները, կհարկվեն նոր դրույքաչափերով: Փոփոխությունը, որն ուժի մեջ կմտնի 15 օր անց, նպատակ ունի զսպել միջազգային ապրանքների ներհոսքը փոստային և էքսպրես առաքումների միջոցով, շուկա, որը զգալիորեն աճել է Temu, Amazon և AliExpress հարթակների շնորհիվ:

Այս հարթակներն ավելի տարածված են դարձել, քանի որ սպառողների համար ավելի մատչելի է արտերկրից տարբեր ապրանքներ պատվիրելը, այդ թվում՝ սնունդ:

Հրամանագիրն արդեն քննարկումների տեղիք է տվել սոցցանցերում: Օգտատերերը դժգոհում են լրացուցիչ ֆինանսական բեռից և գնողունակության հնարավոր անկումից։ Քննադատները պնդում են, որ թեև այս մաքսատուրքերը կարող են նվազեցնել կախվածությունը ներմուծումից, դրանք նաև սպառողների կյանքի ծախսերի բարձրացման վտանգ են ներկայացնում, որոնք ավելի մատչելի տարբերակների համար դիմում են միջազգային շուկաներ:

Էմմա Չոբանյան