07.10.2026 | 23:48
Արթուր Դանիելյանը կալանավորվեց
ՌԴ ՊՆ-ն հայտարարություն է տարածել Կուրսկի շրջանում տիրող իրավիճակի վերաբերյալ
Քաղաքականություն
07.08.2024 | 16:25
Ուկրաինայի ԶՈՒ-ի ստորաբաժանումների ոչնչացման գործողությունը շարունակվում է։ Այս մասին ասվում է ՌԴ ՊՆ հայտարարության մեջ, գրում է BBC-ի ռուսական ծառայությունը։
Նշվում է, որ անցած գիշերվա ընթացքում ռուս զինվորականները սահմանապահների հետ «շարունակել են ոչնչացնել ուկրաինական զինված ուժերի կազմավորումները Կուրսկի շրջանի՝ ռուս-ուկրաինական սահմանի անմիջական հարևանությամբ»։
ՌԴ ռազմական գերատեսչությունը նաև պնդում է, թե ուկրաինական զինված ուժերի առաջխաղացումը Ռուսաստանի տարածքի խորքում թույլ չի տրվել, օդային, հրթիռային և հրետանային հարվածներ են հասցվել։
«Հակառակորդի ռեզերվներին հարված է հասցվել Բասովկա, Ժուրավկա, Յունակովկա, Բելովոդի, Կիյանիցա, Կորչակովկա, Նովայա Սիչ, Պավլովկա, Գորոդիշչե, Սումի շրջանի բնակավայրերում»,- ասվում է հայտարարության մեջ։
Ռուս զինվորականների վարկածով՝ Ուկրաինայի զինված ուժերը Կուրսկի շրջանում կորցրել են 50 միավոր զրահամեքենա, այդ թվում՝ յոթ տանկ, ութ զրահափոխադրիչ, հետևակի երեք մարտական մեքենա, երկու «Բուկ M1» հակաօդային պաշտպանության համակարգ և այլն։ Նշվում է նաև, թե ուկրաինացի զինվորականները վերջին 24 ժամվա ընթացքում անձնակազմի շրջանում մեծ կորուստներ են կրել։
