07.10.2026 | 23:48
Արթուր Դանիելյանը կալանավորվեց
Վորոնեժում և Շեբեկինոյում ԱԹՍ-ները հարվածել են բնակելի շենքերին
Քաղաքականություն
07.08.2024 | 12:22
Վորոնեժի ղեկավար Ալեքսանդր Գուսևը հայտնել է, որ ՀՕՊ հերթապահ ուժերը օգոստոսի 7-ի գիշերը Վորոնեժի մարզում ոչնչացրել են մի քանի ուկրաինական անօդաչու թռչող սարքեր, գրում է Meduza-ն։
Նահանգապետի տեղեկացմամբ՝ անօդաչուներից մեկն ընկնելիս վնասել է Վորոնեժի Բերյոզովայա Ռոշչա փողոցում գտնվող բնակելի շենքի ճակատամասը։ Մեկ այլ անօդաչուի բեկորներն ընկել են քաղաքի Լենինյան պողոտայում։ Միջադեպի հետևանքով շենքի մի քանի բնակարանների ապակիներ են կոտրվել, վնասվել են նաև մեքենաներ։ Տուժածներ չկան, պնդում է Գուսևը։
Նահանգապետը Telegram-ի իր ալիքում հրապարակել է բնակելի շենքի վրա անօդաչու թռչող սարքի հարվածի հետևանքների լուսանկարը։
Բելգորոդի մարզում էլ Ուկրաինայի զինված ուժերի անօդաչու սարքերը հարձակվել են Շեբեկինո քաղաքի վրա, հայտնում է նահանգապետ Վյաչեսլավ Գլադկովը։ Երկու անօդաչուներ հարվածել են բնակելի շենքին, հրդեհ է բռնկվել բնակարաններից մեկում։ Վնասվել են մի քանի բնակարանների պատշգամբներ և պատուհաններ։ Տուժածներ չկան, գրում է Գլադկովը։
ՌԴ ՊՆ-ն հայտնել է, որ օգոստոսի 7-ի գիշերն ուկրաինական երեք անօդաչու թռչող սարք է ոչնչացրել Բելգորոդի շրջանի, չորսը՝ Կուրսկի շրջանի, և երկուական Վորոնեժի ու Ռոստովի մարզերում։
