30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Թրամփը պատմել է Կիմ Չեն Ընի հետ զրույցի մանրամասները
Քաղաքականություն
06.08.2024 | 13:21
ԱՄՆ նախագահի հանրապետական թեկնածու Դոնալդ Թրամփը հաղորդավար Էդին Ռոսին պատմել է Հյուսիսային Կորեայի առաջնորդ Կիմ Չեն Ընի հետ իր զրույցի մանրամասները։
«Նա ասաց` «Ես կարմիր կոճակ ունեմ գրասեղանիս վրա», իսկ ես ասացի՝ «Խնդիր չկա, ես նույնպես կարմիր կոճակ ունեմ, և այն ավելի մեծ է, քան քոնը: Եվ այն աշխատում է»,- պատմել է Թրամփը:
ԱՄՆ նախկին նախագահը նաև ասել է, որ Կիմ Չեն Ընի համար միացրել է Էլթոն Ջոնի «Rocket man» երգը և ասել, որ Հյուսիսային Կորեայի առաջնորդը հենց այդ հրթիռ-մարդն է։ Դրան Քիմը պատասխանել է, որ իրեն պետք է ոչ թե «հրթիռ-մարդ» անվանել, այլ «փոքրիկ հրթիռ-մարդ»։
Ավելի վաղ Թրամփը հայտարարել էր, որ մտադիր է վերականգնել հարաբերությունները Հյուսիսային Կորեայի առաջնորդ Կիմ Չեն Ընի հետ նոյեմբերին պետական բարձրագույն պաշտոնում վերընտրվելուց հետո՝ վստահություն հայտնելով, որ վերջինս «կարոտում է իրեն»։
ԱՄՆ-Հյուսիսային Կորեա առաջին գագաթնաժողովը, որտեղ հանդիպել են ԱՄՆ նախագահ Դոնալդ Թրամփը և Հյուսիսային Կորեայի առաջնորդ Կիմ Չեն Ընը, տեղի է ունեցել 2018 թվականի հունիսի 12-ին Սինգապուրում։
Հանդիպումից հետո Սպիտակ տան ղեկավարն ասել է, որ «մանրամասն» փաստաթուղթ է ստորագրել ԿԺԴՀ-ի հետ և ընդգծել, որ Կորեական թերակղզու ապամիջուկայնացման գործընթացը կսկսվի «շատ արագ»։ Կորեայի առաջնորդը վերջնական փաստաթղթի ստորագրումն անվանել էր «նոր սկիզբ» երկու երկրների հարաբերություններում և խոստացել է «մեծ փոփոխություններ» ապագայում։
