22.11.2024 | 10:47
Իսպանիայի հետ գործակցության ընդլայնման մեծ ներուժ կա. Գևորգ Մանթաշյանն ընդունել է դեսպանին
Էրդողանը հայտնել է, որ Թուրքիան օգոստոսի 7-ին Հաագայի դատարան Իսրայելի դեմ միջնորդություն կներկայացնի
Քաղաքականություն
06.08.2024 | 14:35
Թուրքիայի նախագահ Ռեջեփ Թայիփ Էրդողանը նախօրեին կառավարության նիստից հետո հանդես է եկել հայատարարություններով՝ անդրադառնալով հարցերի լայն շրջանակի։ Թուրքական լրատվամիջոցների հաղորդմամբ՝ նա ափսոսանք է հայտնել, որ «արևմտյան խաղացողները, հատկապես՝ ԱՄՆ-ը, գտնվում են Իսրայելի և մի բուռ մոլեռանդ սիոնիստների գերության մեջ»։
«Մենք անում ենք հնարավոր ամեն ինչ՝ վերջ դնելու այս բարբարոսությանը, որը վերջին 10 ամիսների ընթացքում խլել է 40 հազար անմեղ մարդկանց կյանք»,- ասել է Էրդողանը՝ նշելով, որ Թուրքիան ամեն կերպ աջակցում է Պաղեստինին, որն այս դժվարին օրերին պայքարում է գոյության համար։
Նա ասել է, թե ոչ մի ուժ չի կարող խանգարել Պաղեստինի ժողովրդի հետ Թուրքիայի և թուրք ժողովրդի համերաշխությանը։
Թուրքիայի նախագահը հայտարարել է, որ Անկարան միանում է րդարադատության միջազգային դատարանում Իսրայելի դեմ ցեղասպանության մասով Հարավաֆրիկյան Հանրապետության ներկայացրած հայցին։
«Մեր խորհրդարանի իրավական հարցերի հանձնաժողովն Իսրայելի դեմ գործին միանալու մեր միջնորդությունը օգոստոսի 7-ին կներկայացնի Հաագայի միջազգային դատարան»,- ասել է Էրդողանը։
