01.11.2024 | 13:22
Առողջության համապարփակ ապահովագրությունը 2025 թվականին չի լինի․ Ֆինանսների նախարար․ ՏԵՍԱՆՅՈՒԹ
Ուկրաինան հայտնում է Ռոստովի օդանավակայանում Սու-34 կործանիչ ոչնչացնելու մասին
Քաղաքականություն
05.08.2024 | 15:51
Ռուսական գերձայնային Սու-34 կործանիչ-ռմբակոծիչը ոչնչացվել է օգոստոսի լույս 3-ի գիշերը ՌԴ Ռոստովի մարզի Մորոզովսկի ռազմական օդանավակայանի վրա Ուկրաինայի զինված ուժերի հարձակման արդյունքում։ Այս մասին հայտարարել է Ուկրաինայի Պաշտպանության նախարարության գլխավոր հետախուզական վարչությունը։
Գերատեսչությունը հրապարակել է արբանյակային լուսանկարներ, որոնք արվել են առաջնագծից 265 կիլոմետր հեռավորության վրա գտնվող ռուսական օդանավակայանի վրա հարձակումից հետո։
Հետախուզական վարչության հաղորդմամբ՝ լուսանկարներում, բացի կործանված ինքնաթիռից, երևում են ևս երկու խոցված Սու-34 ինքնաթիռներ, կողքերին ֆիքսված են պայթյունի խառնարաններ։ Ոչնչացվել է նաև զենքի մեկ պահեստ, վնասվել է չորս տեխնիկական շինություն և երկու անգար։
Ուկրաինայի Զինված ուժերի գլխավոր շտաբը հայտարարել է, որ օգոստոսի 3-ին, ռազմական օդանավակայանի հետ մեկտեղ, հարձակում է իրականացվել Բելգորոդի, Կուրսկի և Ռոստովի մարզերում ռուսական զորքերի մի քանի նավթապահեստների ու վառելիքի պահեստարանների վրա։
