22.11.2024 | 21:14
Ժաննա Անդրեասյանը հայ պարարվեստի մեծ երախտավոր Նորայր Մեհրաբյանին պարգևատրել է ԿԳՄՍՆ մեդալով
Զելենսկին հայտարարել է առաջին F-16 կործանիչների ստացման մասին
Քաղաքականություն
05.08.2024 | 11:09
Ուկրաինան առաջին անգամ ցուցադրել է իր ստացած ամերիկյան F-16 կործանիչները։ Ուկրաինայի նախագահ Վլադիմիր Զելենսկին մասնակցել է նոր ինքնաթիռների ԶՈՒ-ում ներդրման արարողությանը։ Ավելի վաղ արևմտյան լրատվամիջոցները հայտնել էին մատակարարումների մեկնարկի մասին, սակայն Կիևը չէր հաստատել դա, գրում է Current Time-ը։
Կործանիչները ցուցադրվել են օգոստոսի 4-ին Ուկրաինայի ԶՈՒ ռազմաօդային ուժերի օրվան նվիրված տոնակատարությունների ժամանակ։ Զելենսկին ծառայության մեջ արևմտյան ինքնաթիռների ներգրավումն անվանել է ազգային մարտական ավիացիայի զարգացման նոր փուլ։
ՌԴ-ի կողմից Ուկրաինա լայնամասշտաբ ներխուժման սկզբից ի վեր Կիևն արևմտյան երկրներից ստացել էր միայն խորհրդային ՄիԳ-29 կործանիչներ և Սու-25 հարվածային ինքնաթիռներ, թեև Ուկրաինայի իշխանություններն ի սկզբանե խնդրել էին արևմտյան արտադրության ինքնաթիռներ մատակարարել: 2023 թվականին մի քանի երկրներ որոշեցին ԱՄՆ-ի համաձայնությամբ նման ինքնաթիռներ փոխանցել Կիևին։ Արևմտյան երկրներն ընդհանուր հաշվով խոստացել են 79 ամերիկյան կործանիչ փոխանցել։ Տարբեր աղբյուրների համաձայն՝ Ուկրաինան արդեն ստացել է դրանցից 6-ը կամ 10-ը։ Արևմտյան երկրները պատրաստել են նաև ուկրաինացի տեխնիկների, իսկ ԱՄՆ-ը նախատեսում է կործանիչների համար մատակարարել ժամանակակից հրթիռներ, ռումբեր և այլ տեսակի զենքեր։
