01.11.2024 | 13:31
Թուրքական զենքը սպանում է ռուսներին․ Լավրովը՝ Անկարայի ու Կիևի ռազմական համագործակցությունը «տարակուսելի» է անվանել
Բրիտանիայում անկարգությունների հետևանքով ավելի քան 90 մարդ է ձերբակալվել
Քաղաքականություն
04.08.2024 | 16:10
Բրիտանիայում ավելի քան 90 մարդ է ձերբակալվել, քանի որ ծայրահեղ աջ ուժերի կողմից կազմակերպված միգրանտների դեմ ցույցերը վերածվել են անկարգությունների երկրի տարբեր քաղաքներում։ Այս մասին գրում է BBC-ին՝ նշելով, որ նոր գործողություններ են նախատեսվում նաեւ կիրակի օրը։
Ծառայության տվյալներով՝ նախօրեին լայնածավալ անկարգություններ են տեղի ունեցել Հալում, Լիվերպուլում, Բրիստոլում, Մանչեսթերում, Սթոք-օն-Թրենթում, Բլեքփուլում և Բելֆաստում։ Ակցիայի մասնակիցները ավերել են խանութներ և հարձակվել ոստիկանների վրա։ Սակայն ավելի փոքր բողոքի ակցիաների ժամանակ բռնություն չի եղել։
Վարչապետ Քիր Սթարմերը ոստիկանությանը խոստացել է «կառավարական լիակատար աջակցություն»՝ հակազդելու «ատելություն սերմանել փորձող ծայրահեղականներին»։
Բռնկված անկարգությունները համարվում են վերջին տասը տարիների ընթացքում ամենազանգվածայինը։ Դրանց պատճառ է դարձել գաղթական ընտանիքի 17-ամյա դեռահասի կատարած հանցագործությունը։ Հուլիսի 29-ին նա Սաութպորտ առողջարանային քաղաքում դանակով հարձակվել է Hart Space Studious պարի ստուդիայի վրա, որը նախատեսված է 6-ից 11 տարեկան երեխաների համար։ Հարձակման հետևանքով զոհվել է երեք աղջիկ։ Եվս ութ երեխա դանակահարվել է, որոնցից հինգի վիճակը ծանր է։ Երեխաներին օգնելու շտապած երկու մեծահասակները նույնպես ծանր վնասվածքներով հիվանդանոցում են։ Հարձակվողին ձերբակալել են և մեղադրանք առաջադրել։
