06.08.2026 | 15:43
Հայ եկեղեցու առաջնորդը կկանգնի դատարանի առաջ՝ կառավարության հետ խորացող հակամարտության ֆոնին․ Reuters-ի անդրադարձը
ՌԴ-ում դատարանների աշխատանքը դադարեցվել է լայնածավալ տեխնիկական խափանման պատճառով
Քաղաքականություն
02.08.2024 | 22:59
Խափանում է տեղի ունեցել Ռուսաստանի պետական ավտոմատացված արդարադատության համակարգում, որտեղ տեղակայված են բոլոր դատական գործերի մասին տեղեկությունները, ինչը, մասնավորապես, կաթվածահար է արել Մոսկվայի դատարանների աշխատանքը։ Խափանումը տեղի է ունեցել օգոստոսի 2-ի առավոտյան։ Այս մասին հայտնում է Baza Telegram ալիքը։
Մուտքային փաստաթղթերի գրանցման ծրագիրը չի աշխատում: Բացի դրանից՝ անհնար է նիստն անցկացնել՝ գործընթացի աուդիո և տեսա արձանագրությունը նույնպես կապված է չաշխատող ծրագրերի հետ։ Քաղաքացիական դատավարության օրենսգրքում նոր փոփոխությունների պատճառով այլևս հնարավոր չէ նիստերը ձայնագրել ձայնագրիչով։
Դատարաններում սկսվել են զանգվածային հետաձգումներ։
Մոսկվայի դատարանները սոցիալական ցանցերում հաստատել են էլեկտրոնային խափանումը, մասնավորապես, ընդհանուր իրավասության դատարանների միասնական տեղեկատվական համակարգի գործունեության մեջ:
