16.09.2024 | 23:29
Թուրքիայի իշխանությունները 2007-2023թթ․ շուրջ մեկ միլիոն կայք են արգելափակել
Ռուսական զորքերը գրոհում են Պոկրովսկի ու ևս 10 ուղղությամբ․ Ուկրաինայի ԳՇ
Քաղաքականություն
02.08.2024 | 13:45
Վերջին 24 ժամվա ընթացքում ռուսական զորքերը 11 ուղղություններով գրոհել են ուկրաինական դիրքերը, ամենաինտենսիվ հարձակումը եղել է Պոկրովսկի և Կուրախովսկիի ուղղություններում։ Ընդհանուր առմամբ, ռազմաճակատում տեղի է ունեցել 127 ռազմական բախում։ Այս մասին հայտնում է Ուկրաինայի Զինված ուժերի գլխավոր շտաբը, գրում է BBC-ի ռուսական ծառայությունը։
«Պոկրովսկի ուղղությամբ մեր պաշտպանները հետ են մղել 53 հարձակողական գործողություն։ Հակառակորդն ուժերը կենտրոնացրել է Նովոալեքսանդրովկայի և Ժելանի շրջաններում, որտեղ իրականացրել է, համապատասխանաբար, 8 և 18 հարձակում։ Բացի այդ, օկուպանտների առաջ շարժվելու փորձերը կասեցվել են Դոնեցկի շրջանի Պանտելեյմոնովկայի, Վոզդվիժենկայի, Սվիրիդոնովկայի, Նովոսելովկա Պերվայայի, Յասնոբրոդովկայի և Կալինովկայի մոտ»,- ասվում է Ուկրաինայի Զինված ուժերի ԳՇ զեկույցում։
Նշվում է, որ Կուրախովսկի ուղղությամբ ուկրաինական ուժերը շարունակում են ռուսական զորքերին հետ պահել Կրասնոխորիվկա, Պարասկովեևկա և Կոնստանտինովկա բնակավայրերի տարածքներում։
«Մեր զինուժը շարունակում է օկուպանտներին կենդանի ուժի և տեխնիկային զգալի կորուստներ պատճառել՝ սպառելով հակառակորդին մարտական գծի ողջ երկայնքով և թիկունքում»,- ասվում է հաղորդագրությունում։
