27.05.2026 | 22:19
Ի դեմս Փաշինյանի` հայհոյանքով, տառապանքով, դավաճան գոռալով հասանք խաղաղության հանգրվանի. Միքայելյան. ՏԵՍԱՆՅՈՒԹ
Իսրայելը ձգտում է Գազայի կրակը տարածել ամբողջ տարածաշրջանում․ Էրդողանը՝ Բայդենին
Քաղաքականություն
02.08.2024 | 12:17
ԱՄՆ նախաահ Ջո Բայդենն ու Թուրքիայի նախագահ Ռեջեփ Թայիփ Էրդողանը հեռախոսազրույց են ունեցել։ Թուրքական կողմի հաղորդմամբ՝ կողմերը քննարկել են Թուրքիայի և ԱՄՆ-ի երկկողմ հարաբերությունները, Գազայի հարցը, Թուրքիայում ՌԴ-ի հետ բանտարկյալների փոխանակումը, տարածաշրջանային և գլոբալ զարգացումները։
Զրույցի ընթացքում Էրդողանը հայտարարել է, որ Իսրայելի վարչապետ Բենիամին Նեթանյահուի վարչակազմն ամեն քայլափոխի ցույց է տալիս, որ չի ցանկանում հրադադար և խաղաղություն։ Նա ասել է, թե ԱՄՆ Ներկայացուցիչների պալատում Իսրայելի վարչապետի ելույթի կադրերը «խորը հիասթափություն են առաջացրել Թուրքիայում և աշխարհում»։ ՀԱՄԱՍ-ի քաղբյուրոյի նախագահ Իսմայիլ Հանիեի սպանությունն էլ, ըստ Թուրքիայի նախագահի, մեծ հարված է հասցրել հրադադարի ջանքերին, և «Իսրայելը ձգտում է Գազայի կրակը տարածել ամբողջ տարածաշրջանում»:
Էրդողանը նշել է, որ Անկարան ամեն ինչ արել է Թուրքիայի և ԱՄՆ-ի հարաբերությունները բոլոր ոլորտներում բարելավելու համար, և կշարունակի անել դա։
Ըստ թուրքական կողմի հաղորդագրության՝ զրույցի ընթացքում ԱՄՆ նախագահ Ջո Բայդենը շնորհակալություն է հայտնել Էրդողանին՝ բանտարկյալների փոխանակման գործարքն առանց խնդիրների իրականացնելու ջանքերի համար։
