23.06.2026 | 13:30
Կենտրոնում եք կանգառասրահներ դնում, մյուս վարչական շրջանների բնակիչներն ինչո՞վ են մեղավոր. Սարգսյան․ ՏԵՍԱՆՅՈՒԹ
Ռուսաստանի և Արևմուտքի միջև բանտարկյալների փոխանակումը տեղի է ունենում Անկարայում
Քաղաքականություն
01.08.2024 | 18:45
ՌԴ-ի ու ԱՄՆ-ի միջև բանտարկյալների փոխանակումը տեղի է ունենում Թուրքիայի արտաքին հետախուզական ծառայության՝ MİT-ի համակարգմամբ, Անկարայի օդանավակայանում, հայտնում են թուրքական լրատվամիջոցները։
Ըստ Flightradar24 ծառայության՝ Մոսկվայի ժամանակով մոտավորապես 16:25-ին ռուսական ինքնաթիռը վայրէջք է կատարել Անկարայում։ Թուրքական լրատվամիջոցները տեսանյութեր են հրապարակում Անկարայի օդանավակայանից, որտեղ երևում է ՌԴ դրոշով ինքնաթիռը։
TRtT Haber-ն էլ հայտնում է, որ փոխանակման շրջանակում 7 ինքնաթիռներով Թուրքիա է տեղափոխվել 26 մարդ, 2-ը՝ ԱՄՆ-ից, մեկական՝ Գերմանիայից, Լեհաստանից, Սլովենիայից, Նորվեգիայից և Ռուսաստանից։
Գործողության շրջանակում 10 մարդ, այդ թվում՝ երկու երեխա, տեղափոխվել է Ռուսաստան, 13-ը՝ Գերմանիա, 3-ը՝ ԱՄՆ։
Նշվում է, որ երկրի հետախուզական կազմակերպությունն իրականացրել է նորագույն պատմության մեջ ամենամեծ փոխանակման օպերացիան, որը ներառում էր 7 տարբեր երկրներում (ԱՄՆ, Գերմանիա, Լեհաստան, Սլովենիա, Նորվեգիա, Ռուսաստան և Բելառուս) բանտարկված 26 անձանց փոխանակում։
Բանակցություններ են տարվել ԱՄՆ-ում, Գերմանիայում, Լեհաստանում, Նորվեգիայում, Սլովենիայում, Ռուսաստանում և Բելառուսում բանտարկված ՌԴ քաղաքացիների և արևմտյան երկրների քաղաքացիների միջև փոխանակման գործունեության վերաբերյալ։ MİT-ը հաջողությամբ իրականացրել է իր միջնորդական գործունեությունը բանակցությունների սկզբից մինչև վերջ։
