Անխուսափելի՛ է ՌԴ ռազմաբազայի, սահմանապահների հեռացումը. Ադրբեջանի հարձակումից ՀՀ-ին չպաշտպանեցին. ՏԵՍԱՆՅՈՒԹ

«Զվարթնոց» օդանավակայանում այլևս ռուս սահմանապահներ չկան։ ՌԴ-ն իր զորքերը հանում է նաև ՀՀ ողջ տարածքում տեղակայված 17 հենակետերից, Սյունիքում երկու ռազմաբազայից, որ տեղակայվել էին 2021-ից սկսած Փաշինյանի հրավերով։ ՌԴ-ն, սակայն, ռազմական, անվտանգային մեծ ներկայություն ունի ՀՀ-ում, և տիրապետում է մեծ տվյալների։ ՌԴ-ն նաև Իրանի անցակետն է վերահսկում՝ հասանելիություն ունենալով  տվյալների բազային։ Փորձագիտական շրջանակները տարիներ շարունակ ահազանգում են, որ կա տանգ՝ Բաքվին ՌԴ-ից կողմից ՀՀ-ին առնչվող ինֆորմացիայի փոխանցման վերաբերյալ։

Սրան զուգահեռ՝ նաև հայ-թուրքական կարգավորման գործընթաց է ծավալվում։ Մարգարայի անցակետում Ռուբինյան-Քըլըչ հանդիպումից մեկ-երկու օր անց Թուրքիայի ԱԳ նախարար Հաքան Ֆիդանը հայտարարել է, որ հայ-թուրքական և հայ-ադրբեջանական հարաբերությունների կարգավորման գործընթացները փոխկապակցված են։ «Հայաստանի և Ադրբեջանի միջև հանդիպումները շարունակվում են, և մենք հայ-ադրբեջանական հարաբերությունների կարգավորման դեպքում պետք է մեր սցենարը նախապատրաստենք։ Այժմ այդ ուղղությամբ աշխատանքները շարունակվում են։ Մենք կարող ենք կյանքի կոչել դրական սցենարը, այսինքն՝ բացել սահմանը Հայաստանի հետ»։

Հայտարարվեց նաև, որ բանագնացներ Ռուբեն Ռուբինյանն ու Սերդար Քըլըչը պայմանավորվել են տարածաշրջանային զարգացումներին համապատասխան գնահատել տեխնիկական կարիքները, որոնք հնարավորություն կընձեռեն գործարկել Ախուրիկ/Աքյաքա երկաթուղու սահմանային անցակետը, ինչպես նաև փոխադարձաբար դյուրացնել վիզայի ընթացակարգերը դիվանագիտական/պաշտոնական անձնագրեր ունեցողների համար։ Հայկականի կողն արդեն վերակառուցել է հայ-թուրքական սահմանի Մարգարայի անցակետը։ Քաղաքագետ Սամվել Մելիքսեթյանը Factor TV-ի հետ զրույցում ասում է․

««Զվարթնոց»-ից ռուսներին հեռացնելը շատ կարևոր գործընթացի սկիզբ է, կրիտիկական աստիճանի կախվածություն ունենք ՌԴ-ից, որը պետք է նվազեցնել։ «Զվարթնոց»-ում ռուսների լինելը նվաստացուցիչ էր ՀՀ-ի համար՝ պետության բացակայության տարր, ոչ թե անկախ պետություն կարելի էր ընկալել, այլ ՌԴ-ի ներսում գտնվող միավոր, Չեչնիայից մի քիչ բարձր միավոր։ Թուրքիայի և Ադրբեջանի հետ պիտի լեզու գտնենք, որ ՀՀ-ին չընկալեն վտանգ, բայց երաշխիք ունենանք՝ իրենք վտանգ չեն լինի մեզ համար, գործիք չեն դառնա ՀՀ-ի դեմ։ Մենք ՌԴ-ին ապավինելով՝ ծանր հետևանքների առնչվեցինք։ Թուրքիայի և Ադրբեջանի հետ ՀՀ-ն ինքնուրույն պիտի հարաբերվի՝ չդառնալով գործիք գեոպոլիտիկ խաղերում՝ պաշտպանելով իր պետական շահերը։ ՌԴ ռազմաբազայի և սահմանապահների դուրսբերումը ՀՀ-ից անխուսափելի է՝ Ադրբեջանի հարձակումից չպաշտպանեցին։ Սխալ հաշվարկ է, թե Թուրքիայի հետ կոնֆլիկտւմ ռուսական զորքը մեզ փրկելու է, այդպես չէ՛, սահմանը ՌԴ-ին ենք հանձնել՝ ում հետ կանֆլիկտ ունենք»,- ասաց քաղաքագետը։

Հարցազրույցն ամբողջությամբ՝ տեսանյութում։

Ռոբերտ Անանյան