01.05.2026 | 12:51
ՖԻԴԵ. Հայ շախմատիստների թարմացված դիրքերը դասակարգման աղյուսակում
Բլինքենը Մերձավոր Արևելքում «բոլոր կողմերին» կոչ է անում «դադարեցնել էսկալացիոն գործողությունները»
Քաղաքականություն
01.08.2024 | 14:41
ԱՄՆ պետքարտուղար Էնթոնի Բլինքենը Մերձավոր Արևելքում «բոլոր կողմերին» կոչ է արել դադարեցնել «էսկալացիոն գործողությունները» և հասնել հրադադարի Գազայում այն բանից հետո, երբ ՀԱՄԱՍ-ի քաղաքական առաջնորդը սպանվեց Թեհրանում հարվածի հետևանքով, որի համար Իրանը մեղադրում է Իսրայելին, գրում է France 24-ը։
Ելույթ ունենալով Մոնղոլիայի մայրաքաղաքում՝ Բլինքենն ասել է, որ Մերձավոր Արևելքը գտնվում է «ավելի շատ հակամարտությունների, ավելի շատ բռնությունների, ավելի շատ տառապանքների, ավելի շատ անապահովության ճանապարհին», և շատ կարևոր է կոտրել այդ ցիկլը։
«Այն սկսվում է է հրադադարից, որի ուղղությամբ մենք աշխատում ենք։ Դրան հասնելու համար պահանջվում է, որ բոլոր կողմերը խոսեն, դադարեցնեն էսկալացիոն գործողությունները, պատճառներ գտնեն համաձայնության գալու համար»,- նշել է ԱՄՆ պետքարտուղարը։
Ինչպես ավելի վաղ Սինգապուրում, այստեղ ևս Բլինքենը հրաժարվել է մեկնաբանել ՀԱՄԱՍ-ի քաղբյուրոյի ղեկավար Իսմայիլ Հանիեի մահը։
