01.11.2024 | 15:10
Ստամբուլում ընդդիմության նախաձեռնությամբ հազարավոր մարդիկ ցույցի են դուրս եկել
ԱՄՆ Պետդեպի պաշտոնյան հրաժարվել է մեկնաբանել Ռուբինյան-Քըլըչ հանդիպումը
Քաղաքականություն
01.08.2024 | 12:21
ԱՄՆ Պետքարտուղարության փոխխոսնակ Վեդանտ Պատելը լրագրողների հետ ճեպազրույցի ժամանակ հրաժարվել է մեկնաբանել հայ-թուրքական սահմանին Հայաստանի և Թուրքիայի հատուկ ներկայացուցիչներ Ռուբեն Ռուբինյանի ու Սերդար Քըլըչի հինգերորդ հանդիպումը։
Լրագրողի հարցին՝ արդյո՞ք ամերիկացի պաշտոնյան այս առնչությամբ որևէ մեկնաբանություն ունի, Պատելը պատասխանել է․ «Ոչ, չունեմ։ Ես կթողնեմ, որ այդ մասին խոսեն երկու համապատասխան երկրները»։
Հիշեցնենք՝ հուլիսի 30-ին Հայաստանի և Թուրքիայի կարգավորման գործընթացի հատուկ ներկայացուցիչներ, Հայաստանի Ազգային ժողովի նախագահի տեղակալ Ռուբեն Ռուբինյանը և դեսպան Սերդար Քըլըչը հինգերորդ հանդիպումն են անցկացրել երկու երկրների սահմանի Մարգարա-Ալիջան անցման կետում։ Նրանք վերահաստատել են նախորդ հանդիպումների ընթացքում ձեռք բերված պայմանավորվածությունները։
Բացի այդ, նրանք պայմանավորվել են տարածաշրջանային զարգացումներին համապատասխան գնահատել տեխնիկական կարիքները, որոնք հնարավորություն կընձեռեն գործարկել Ախուրիկ/Աքյաքա երկաթուղու սահմանային անցակետը, ինչպես նաև փոխադարձաբար դյուրացնել վիզայի ընթացակարգերը դիվանագիտական/պաշտոնական անձնագրեր ունեցողների համար։
