23.01.2026 | 23:21
Մասկը վերադարձել է մեծ քաղաքականություն և շարունակում է ֆինանսավորել հանրապետականներին. WSJ
Թեհրանում հրաժեշտ են տալիս ՀԱՄԱՍ-ի ղեկավար Իսմայիլ Հանիեին
Քաղաքականություն
01.08.2024 | 12:13
Իրանի մայրաքաղաքում մեկնարկել է պաղեստինյան ՀԱՄԱՍ շարժման քաղբյուրոյի ղեկավար Իսմայիլ Հանիեի հրաժեշտի արարողությունը, որը մահացել էր նախօրեին Թեհրանի հյուսիսում գտնվող իր նստավայրի վրա հրթիռային հարձակման հետևանքով։
Իրանի գերագույն հոգևոր առաջնորդ, այաթոլլա Սեյեդ Ալի Խամենեին Թեհրանում հուղարկավորության աղոթք է կարդացել Իսմայիլ Հանիեի և նրա անվտանգության աշխատակից Վասիմ Աբու Շաաբանի հիշատակի համար, գրում է Tasnim լրատվական գործակալությունը:
Նշվում է, որ իրանցի սգավորների մեծ բազմություն է մասնակցել արարողությանը։
Չորեքշաբթի ՀԱՄԱՍ-ը հաղորդել է, որ Հանիեն զոհվել է իսրայելական հարվածի հետևանքով Թեհրանում նրա նստավայրին, ուր նա ժամանել էր՝ մասնակցելու Իրանի նոր նախագահի երդմնակալության արարողությանը: Շարժումը Հանիեի մահվան համար մեղադրել է Իսրայելին և ԱՄՆ-ին՝ հայտարարելով, որ դա անպատասխան չի մնա:
