22.02.2026 | 17:28
Խոսակցություններ են տարածվում, որ մարտի 1-ից սկսած կանխիկ վճարումն ընդհանրապես արգելվելու է․ Բաբկեն Թունյանը պարզաբանում է
Ուկրաինան 6 միավոր F-16 կործանիչ է ստացել Նիդերլանդներից․ Times
Քաղաքականություն
01.08.2024 | 10:50
Բրիտանական Times-ը հայտնում է, որ F-16 կործանիչներն արդեն ժամանել են Ուկրաինա։ Ըստ թերթի, որը վկայակոչում է անանուն իրազեկ աղբյուրները, Ուկրաինայի զինված ուժերն արդեն ստացել է Նիդերլանդների տրամադրած վեց ինքնաթիռ։ Հրապարակման մեջ ասվում է, որ Դանիան շուտով կուղարկի ինքնաթիռների հերթական խմբաքանակը։
Ըստ Times-ի՝ հաջորդ տարվա ընթացքում Ուկրաինան պետք է ստանա մոտ 20 F-16 կործանիչ, այդ թվում՝ Բելգիայից և Նորվեգիայից։ Երկարաժամկետ հեռանկարում եվրոպական այս չորս երկրները խոստացել են Ուկրաինայի զինված ուժերին տրամադրել մոտ 80 կործանիչ, սակայն դրանցից շատերը կօգտագործվեն որպես պահեստամաս համար, նշում է լրատվամիջոցը։
Ուկրաինայի ռազմաօդային ուժերը հրաժարվել են մեկնաբանել վեց ինքնաթիռների մատակարարման մասին տեղեկատվությունը։
Ավելի վաղ բրիտանական Daily Telegraph-ը հայտնել էր, որ F-16-երն արդեն մարտական թռիչքներ են իրականացրել Ուկրաինայում և օգտագործվել հակաօդային պաշտպանության համար։
