06.08.2026 | 16:58
ՆԳՆ պարեկային ծառայության պաշտոնյան կալանավորվել է, էկոպարեկային ծառայության Սևանի տեղամասի պետի պաշտոնավարումը՝ կասեցվել
Ուկրաինան կարող է պաշտպանել իր երկինքը՝ գործընկերների կողմից բավարար օգնության դեպքում. Զելենսկի
Քաղաքականություն
31.07.2024 | 22:03
Ուկրաինացիները կարող են ամբողջությամբ պաշտպանել իրենց երկինքը ռուսական հարվածներից, երբ դա անելու համար բավարար օգնություն ստանան։ Այս մասին հայտարարել է Ուկրաինայի նախագահ Վլադիմիր Զելենսկին։
«Անցած գիշեր 89 «Շահեդ» ենք խոցել։ Բոլորը, որոնք օգտագործվել են ռուս ահաբեկիչների կողմից այս հարձակման ժամանակ։ Եվ սա կարևոր արդյունք է։ Ուկրաինացիները կարող են ամբողջությամբ պաշտպանել իրենց երկինքը ռուսական հարվածներից, երբ դա անելու համար բավարար միջոցներ ունենան»,- գրել է Ուկրաինայի նախագահը Telegram-ի իր ալիքում։
Ըստ նրա՝ Ուկրաինայի ԶՈՒ-ն կարող է նույն արդյունավետության հասնել ռուսական հրթիռներից և մարտական ինքնաթիռներից պաշտպանվելու հարցում, բայց՝ ոչ սեփական ուժերով։
«Մեզ անհրաժեշտ են բավականին համարձակ որոշումներ մեր գործընկերների կողմից՝ բավականաչափ հակաօդային պաշտպանության համակարգեր, բավականաչափ հեռահարության: Իսկ ուկրաինացիներն ամեն ինչ կանեն ճիշտ ու զգույշ»,- հավելել է Զելենսկին։
