30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Քամալա Հարիսն ազգային հարցումներում և առանցքային նահանգներում հասել է Թրամփին
Քաղաքականություն
31.07.2024 | 17:32
Նախագահական մրցավազքի մեջ մտնելուց մեկ շաբաթ անց ԱՄՆ փոխնախագահ Քամալա Հարիսը նախընտրական արշավին նոր էներգիա է հաղորդել ու չեզոքացրել է իր նախորդի՝ Դոնալդ Թրամփից մշտական հետ մնալը։ Ամենակարևորն այն է, որ այժմ նրան աջակցում է ընտրողների մեծ մասը, այսպես կոչված, տատանվող նահանգներում, որոնց կարծիքը վճռել է վերջին նախագահական ընտրությունների արդյունքը, ցույց է տվել Bloomberg News/Morning Consult-ի հարցումը։
Ջո Բայդենը թեկնածությունից հրաժարվելու մասին հայտարարել է հուլիսի 21-ին։ Հաջորդ օրը Հարիսը փաստացի սկսել է իր նախընտրական քարոզարշավը։
Հարիսն արդեն մի քանի քարոզարշավ է անցկացրել՝ սկսելով Վիսկոնսինից: Այն ներառված է յոթ նահանգների թվում (Արիզոնա, Ջորջիա, Միչիգան, Նևադա, Հյուսիսային Կարոլինա և Փենսիլվանիա), որտեղ կուսակցություններից ոչ մեկը կայուն մեծամասնություն չունի ընտրողների շրջանում: Նրանց աջակցությամբ Բայդենը կարողացավ հաղթել Թրամփին 2020 թվականին, իսկ չորս տարի առաջ նրանք գերադասեցին Թրամփին Հիլարի Քլինթոնից։
Այս յոթ տատանվող նահանգներում Բայդենը մինչ մրցավազքից դուրս գալը Թրամփին զիջում էր 2 տոկոսային կետով։ Այժմ, երիտասարդների, սևամորթների և իսպանախոս ամերիկացիների ոգևորության շնորհիվ Հարիսն ունի ընտրողների 48%-ի աջակցությունը՝ Թրամփի 47%-ի դիմաց:
Արիզոնայում և Նևադայում, որտեղ Բայդենը զիջում էր Թրամփին, Հարիսն առաջ է հանրապետականից, իսկ Միչիգանում նա կրկնապատկել է գոյություն ունեցող առաջատար դիրքերը (53%՝ 42%-ի դիմաց)։
Ջորջիայում թեկնածուները կողք կողքի առաջ են գնում (47-ական տոկոս Վիսկոնսինում, Հարիսի օգտին մնում է 2 տոկոսային տարբերություն): Նա մինչ այժմ հետ է մնում Փենսիլվանիայում և Հյուսիսային Կարոլինայում, բայց երկու նահանգներում էլ նա Բայդենից ավելի միավորներ է հավաքել:
Տատանվող նահանգներում հարցվածների ավելի քան մեկ երրորդը սոցիոլոգներին հայտնել են, որ ավելի մեծ հավանականությամբ կգնան ընտրատեղամասեր, քան եթե քվեաթերթիկներում լիներ Բայդեն անունը։
