23.06.2026 | 00:27
Ամենամեծ էկրանով ստադիոնը, չսպասված երկրպագուներ. ԱԱ-2026-ի Բելգիա-Իրան խաղը` Factor TV-ի աչքերով
ԱՄՆ-ը դիվանագիտական մեթոդներ է կիրառում Ադրբեջանում քաղհասարակության անդամների ձերբակալությունների հարցում․ Պետդեպ
Քաղաքականություն
31.07.2024 | 23:15
ԱՄՆ-ը հայտարարել է, որ կենտրոնացած են դիվանագիտության ջանքերի ուղղությամբ՝ Ադրբեջանում քաղաքացիական հասարակության ներկայացուցիչների ու ընդդիմադիրների ձերբակալությունների հետ կապված։ Այս մասին ճեպազրույցում հայտարարել է Պետքարտուղարության փոխխոսնակ Վեդանտ Պատելը։
«Մենք շարունակելու ենք կենտրոնանալ դիվանագիտության վրա։ Ես չունեմ այլ թարմացումներ, թե ինչ միջոցներ կարող է ԱՄՆ-ը դիտարկել այլ դեպքում»,- ասել է Պատելը՝ մեկնաբանելով Ադրբեջանում քաղհասարակության ներկայացուցիչների վերջին ձերբակալությունները։
Հավելենք, որ նախորդ շաբաթ Ադրբեջանում ձերբակալվել է իշխանությունների ևս մի քննադատ՝ նախկին դիվանագետ Էմին Իբրահիմովը։ Ձերբակալվել է նաև թալիշ հետազոտող Իքբալ Աբիլովը, որին մեղադրում են, իբր, Հայաստանի հատուկ ծառայությունների հետ համագործակցելու մեջ։
Օրերս էլ ԱՄՆ Պետքարտուղարությունն Ադրբեջանի իշխանություններին կոչ էր անում ազատ արձակել հայտնի տնտեսագետ ու ընդդիմադիր գործիչ Գուբադ Իբադօղլուին։
«Ակտիվիստ և գիտնական Գուբադ Իբադօղլուն շարունակում է մնալ տնային կալանքի տակ և չի կարողանում լքել Ադրբեջանը կամ լինել ընտանիքի հետ։ Նրա ձերբակալումից մեկ տարի անց մենք կրկին կոչ ենք անում Ադրբեջանի կառավարությանը՝ ազատ արձակել նրան և բոլոր մյուսներին, որոնք անարդարացիորեն ձերբակալված են»,- X-ում գրել էր Պետքարտուղարության խոսնակ Մեթյու Միլլերը։
Էմմա Չոբանյան
