Նախորդ շաբաթ պահպանվող հատուկ տարածք է տեղափոխվել 145 մեքենա

Հուլիսի 22-ից 29-ը մայրաքաղաքում իրականացված ծառայության ընթացքում Երևանի պարեկները հայտնաբերել են ճանապարհային երթևեկության կանոնների 4209 խախտում՝ պահպանվող հատուկ տարածք տեղափոխելով 145 մեքենա։ Մասնավորապես, հայտնաբերվել է ոչ սթափ վիճակում մեքենա վարող՝ 132, առանց վարորդական իրավունքի վկայականի՝ 250 անձ․ տեղեկացնում են ՆԳՆ ոստիկանությունից։

Հայտնաբերվել են հաշվառման համարանիշի հետ կապված՝ 25, չամրակապված վարելու՝ 526, վարելիս ծխախոտային արտադրատեսակ օգտագործելու՝ 318, վարելիս հեռախոսից օգտվելու՝ 215, հետիոտնի՝ ոչ սահմանված վայրով անցնելու՝ 155 և 1686 այլ իրավախախտումներ։ 116 մեքենա շահագործվել է առանց ԱՊՊԱ պայմանագրի, 151-ը՝ տեխնիկական զննություն չանցած, 104-ը՝ արտաքին լուսային սարքերի անսարքությամբ, 379-ը՝ թաղանթապատված դիմապակիով և կողային ապակիներով։ Բացի այդ, տարբեր կասկածանքներով ձերբակալվել ու բաժիններ է տարվել 75 անձ։

Նույն ժամանակահատվածում մարզերում պարեկները հայտնաբերել են ճանապարհային երթևեկության կանոնների 14087 խախտում՝ պահպանվող հատուկ տարածքներ տեղափոխելով 243 տրանսպորտային միջոց։ Հայտնաբերվել է ոչ սթափ վիճակում մեքենա վարող՝ 234, առանց վարորդական իրավունքի վկայականի՝ 787 անձ։ Հայտնաբերվել են հաշվառման համարանիշի հետ կապված՝ 78, չամրակապված վարելու՝ 3321, վարելիս ծխախոտային արտադրատեսակ օգտագործելու՝ 249, վարելիս հեռախոսից օգտվելու՝432, հետիոտնի՝ ոչ սահմանված վայրով անցնելու՝ 15, արագության գերազանցման՝ 1829 և 3923 այլ իրավախախտումներ։ 488 մեքենա շահագործվել է առանց ԱՊՊԱ պայմանագրի, 1616-ը՝ տեխնիկական զննություն չանցած, 414-ը՝ արտաքին լուսային սարքերի անսարքությամբ, որից 16-ը՝ բեռնատարներ, 387-ը՝ թաղանթապատված դիմապակիով և կողային ապակիներով։ Բացի այդ, տարբեր կասկածանքով ձերբակալվել ու բաժիններ է տարվել 56 անձ։