30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Բաբաջանյան փողոցում 54-ամյա տղամարդը 29-ամյա կնոջը դանակով բազմաթիվ հարվածներ է հասցրել
Հասարակություն
29.07.2024 | 12:41
Հուլիսի 27-ի գիշերը՝ ժամը 22.07-ին, «Աստղիկ» բժշկական կենրոնից ՆԳՆ ոստիկանության օպերատիվ կառավարման կենտրոն հաղորդում է ստացվել, որ բուժօգնության են դիմել կտրած-ծակած վերքերով՝ 29-ամյա կին և ձեռքի կտրած-ծակած վնասվածքով՝ 58-ամյա տղամարդ: Ժամը 22.40-ին հիվանդանոցից հայտնել են, որ շտապօգնության խումբը բուժօգնության է տեղափոխել նաև 54-ամյա տղամարդու․ տեղեկացնում են ՆԳՆ ոստիկանությունից։
Ոստիկանության Մալաթիայի բաժնի ծառայողների ձեռնարկած օպերատիվ-հետախուզական միջոցառումների արդյունքում պարզվել է, որ Բաբաջանյան փողոցի հասցեներից մեկում 29-ամյա կնոջը դանակով բազմաթիվ հարվածներ է հասցրել 54-ամյա տղամարդը, իսկ 58-ամյա տղամարդու ձեռքը վնասվել է դանակահարված կնոջն օգնելու ժամանակ:
54-ամյա տղամարդը սպանության փորձ կատարելու անմիջականորեն ծագած կասկածանքով ձերբակալվել և տեղափոխվել է ոստիկանության Մալաթիայի բաժին:
Կազմված փաստաթղթերը ներկայացվել են քննչական բաժին:
