18.03.2026 | 13:14
Բեյրութին Իսրայելի հարվածների հետևանքով առնվազն 6 մարդ է զոհվել, 24-ը՝ վիրավորվել
ՌԴ-ում Ադրբեջանի դեսպան Փոլադ Բյուլբյուլօղլուն պատգամավորի թեկնածու է առաջադրվել Մեջլիսի ընտրություններում
Քաղաքականություն
25.07.2024 | 22:13
ՌԴ-ում Բաքվի դեսպան Փոլադ Բյուլբյուլօղլուն որոշել է մասնակցել սեպտեմբերի 1-ին Ադրբեջանում կայանալիք արտահերթ խորհրդարանական ընտրություններին։ Կենտրոնական ընտրական հանձնաժողովից ադրբեջանական լրատվամիջոցներին հայտնել են, որ Փոլադ Բյուլբյուլօղլուն իր թեկնածությունն է առաջադրել ԼՂ Շուշի-Ակնա-Մարտունիի թիվ 124 ընտրատարածքից։ Բյուլբյուլօղլուն Ռուսաստանում դեսպան է աշխատում 2006 թվականից։
Հուլիսի 24-ի տվյալներով՝ արտահերթ խորհրդարանական ընտրություններում մասնակցության հայտ է ներկայացրել շուրջ 1200 անձ, որոնցից 31-ը գրանցվել է որպես պատգամավորի թեկնածու։
Նշենք,որ հունիսի 28-ին Ադրբեջանի նախագահ Իլհամ Ալիևը հրամանագիր էր ստորագրել երկրի վեցերորդ գումարման Միլլի Մեջլիսը ցրելու և արտահերթ ընտրություններ նշանակելու մասին։ Ալիևը խորհրդարանի արտահերթ ընտրությունները նշանակել է 2024 թվականի սեպտեմբերի 1-ին։ Երկրի Սահմանադրական դատարանի պլենումն ավելի վաղ քննարկել էր Ալիևի դիմումը Միլլի Մեջլիսը ցրելու և արտահերթ ընտրություններ նշանակելու վերաբերյալ՝ որոշելով, որ այն համապատասխանում է Սահմանադրությանը։
