11.12.2024 | 18:52
«Ասլանյանը Մխիթար Հայրապետյանի դպրոցական ուսուցիչն է եղել»․ ԲՏԱՆ խոսնակը՝ աղմկահարույց նամակագրության մասին
Ադրբեջանի ու Իրանի սահմանին զինված միջադեպ է տեղի ունեցել․վիրավորվել են ադրբեջանցի սահմանապահներ
Քաղաքականություն
24.07.2024 | 19:14
Ադրբեջանի և Իրանի սահմանին զինված միջադեպ է տեղի ունեցել։ Այս մասին հայտնում է Ադրբեջանի պետական սահմապահ ծառայության (ՊՍԾ) մամուլի կենտրոնը։ Նշվում է, որ հուլիսի 24-ին՝ ժամը 03:30-ին, Պետական սահմանապահ ծառայության «Գոյթեփեի» սահմանապահ ջոկատի տարածքում 2 անհայտ անձինք Իրանից Ադրբեջանի ուղղությամբ խախտել են պետական սահմանը։ Սահմանախախտները զինված դիմադրություն են ցույց տվել և հակառակ ուղղությամբ դիմել փախուստի։
Հաղորդվում է, որ զինված միջադեպի հետևանքով երկու սահմանապահներ թեթև վնասվածքներ են ստացել, նրանց ցուցաբերվել է անհրաժեշտ բուժօգնություն։ Սահմանախախտներից մեկը ևս վիրավորվել է։ Տարածքը զննվել է, հայտնաբերվել և առգրավվել է մինչև 11 կգ թմրամիջոց, գիշերային տեսողության սարք, ատրճանակ և պարկուճներ։
Միջադեպի վայրում հանդիպել են Ադրբեջանի և Իրանի ներկայացուցիչները։ Ձեռնարկվում են օպերատիվ-քննչական միջոցառումներ։
