07.11.2026 | 17:01
Տավուշի քրեական ոստիկանները հայտնաբերել են ապօրինի պահվող զենք-զինամթերքի թաքստոցը․ երկու տղամարդ ձերբակալվել է. ՆԳՆ
Մեր F-35-ները մի գիշեր կարող են հանկարծակի գալ Անկարա. հույն նախարար
Քաղաքականություն
23.07.2024 | 14:55
Հունաստանի առողջապահության նախարար Ադոնիս Գեորգիադիսը արձագանքել է Կիպրոս ներխուժման 50-ամյակի կապակցությամբ Թուրքիայի ՊՆ հայտարարություններին։ Open TV-ի հետ զրույցում Գեորգիադիսն ասել է, որ Հունաստանը կարող է հանկարծակի մեկ գիշերում իր F-35-ներով գնալ Անկարա։
«Ես լսում եմ «հանկարծ մի գիշեր» արտահայտությունը և ծիծաղում։ Մենք էլ կարող ենք հանկարծ մի գիշերում F-35-ներով գնալ Թուրքիա։ Դուք տեսե՞լ եք, թե ինչ կատարվեց Եմենում։ Եթե դուք ունեք անորսալի F-35-ներ, կարող եք հանկարծ մի գիշեր հայտնվել Անկարայում։ Ես չեմ ասում, որ մենք դա կանենք, քանի որ չենք ուզում, բայց ես ծիծաղում եմ, երբ Էրդողանն է ասում դա: Ինչո՞վ եք գալու Հունաստան մի գիշեր։ Ձեր հագած կոշիկներո՞վ»,-ասել է նախարարը։
Հիշեցնենք՝ Թուրքիայի նախագահը նման հռետորաբանություն էր օգտագործել նաև երկու տարի առաջ, երբ սպառնացել էր Հունաստանին, թե Թուրքիան կարող է հարձակվել «հանկարծ մի գիշեր»:
Թուրքական լրատվամիջոցները Գեորգիադիսի այս հայտարարությունները դատապարտել են՝ վերնագրելով որպես «սկանդալային»՝ «սպառնալիքներ» և «սադրանքներ» պարունակող։
