01.11.2024 | 13:31
Թուրքական զենքը սպանում է ռուսներին․ Լավրովը՝ Անկարայի ու Կիևի ռազմական համագործակցությունը «տարակուսելի» է անվանել
WSJ-ի լրագրող Գերշկովիչը դատապարտվել է 16 տարվա ազատազրկման խիստ ռեժիմի գաղութում
Քաղաքականություն
19.07.2024 | 19:35
Սվերդլովսկի շրջանային դատարանը լրտեսության մեղադրանքով ամերիկացի լրագրող Էվան Գերշկովիչին դատապարտել է 16 տարվա ազատազրկման խիստ ռեժիմի գաղութում։
Մեղադրող կողմը նրա համար ավելի երկար պատիժ էր խնդրել՝ 18 տարվա ազատազրկում։
ՌԴ-ում պետական մեղադրող կողմը խնդրել է լրագրող Էվան Գերշկովիչին դատապարտել 18 տարվա ազատազրկման
Լրտեսության համար ՌԴ քրեական օրենսգրքով նախատեսված առավելագույն պատիժը (հոդված 276) 20 տարվա ազատազրկումն է, նշում է BBC-ի ռուսական ծառայությունը։
Գերշկովիչը կալանավորվել է 2023 թվականի մարտին Եկատերինբուրգում, որտեղ նա գործուղվել էր WSJ-ի խմբագրության անունից։
Դատավարությանը սպասելիս լրագրողը 15 ամիս անցկացրել է Մոսկվայի Լեֆորտովոյի քննչական մեկուսարանում։
32-ամյա Գերշկովիչի գործը դատարանը սկսել է քննել հունիսի 26-ին։ Գործի քննությունը տևել է ընդամնեը երեք օր։
Քանի որ լրագրողը դատվել է լրտեսության մեղադրանքով, դատական նիստերն անցել են դռնփակ՝ ներկա են եղել միայն դատավորը, դատախազը, ամբաստանյալն ու նրա պաշտպանները։
Դատավարության մեկնարկին լրագրողներին մի քանի րոպեով թույլ են տվել դահլիճ մտնել՝ լուսանկարելու և տեսանկարահանելու համար։ Գերշկովիչը սափրած գլխով է եղել ու ժպտալով ողջունել է գործընկերներին, սակայն հարցերին չի պատասխանել։
Լրագրողներին նաև թույլ են տվել մտնել դատավճռի հրապարակման համար նիստերի դահլիճ։
Ըստ մեղադրող կողմի, Գերշկովիչը «ԿՀՎ-ի ցուցումով 2023 թվականի մարտին Սվերդլովսկի մարզում գաղտնի տեղեկատվություն է հավաքել ռազմական տեխնիկայի արտադրության և վերանորոգման «Ուրալվագոնզավոդ» պաշտպանական ձեռնարկության գործունեության մասին և դա արել է «զգուշորեն, խիստ գաղտնիություն պահելով»։
Ըստ ԱԴԾ-ի, լրագրողը ձերբակալվել է «գաղտնի տեղեկատվություն ստանալու փորձի ժամանակ», իսկ ՌԴ նախագահի մամուլի քարտուղար Դմիտրի Պեսկովը հայտարարել է, որ լրագրողին «բռնել են հանցագործության պահին»:
Գերշկովիչի հետ աշխատած լուսանկարչի խոսքով՝ լրագրողը հոդված էր պատրաստում այն մասին, թե ինչպես են Ռուսաստանի մարզերում մարդիկ ընկալում պատերազմը, ինչի համար նա այցելել է Եկատերինբուրգ և Նիժնի Տագիլ, ծրագրել էր մեկնել այլ քաղաքներ ևս։
