09.09.2026 | 17:46
Գնաճը Հայաստանում 4.4% է․ միսը, ձուն, ծիրանն ու դիզվառելիքը զգալի թանկացել են
ՌԴ-ում պետական մեղադրող կողմը խնդրել է լրագրող Էվան Գերշկովիչին դատապարտել 18 տարվա ազատազրկման
Քաղաքականություն
19.07.2024 | 15:30
ՌԴ-ում պետական մեղադրող կողմը խնդրել է The Wall Street Journal-ի թղթակից Էվան Գերշկովիչին դատապարտել 18 տարվա ազատազրկման խիստ ռեժիմի գաղութում՝ լրտեսության մեղադրանքով (Քրեական օրենսգրքի 276-րդ հոդված), գրում է Մեդուզան՝ հղում անելով Սվերդլովսկի շրջանային դատարանի մամուլի ծառայությանը։
Գերշկովիչի դատավճիռը կհրապարակվի այսօր՝ հուլիսի 19-ին։
Լրագրողը մեղադրվում է «ԿՀՎ-ի հանձնարարականով ռազմական տեխնիկայի արտադրության և վերանորոգման համար «Ուրալվագոնզավոդ» պաշտպանական ձեռնարկության գործունեության մասին գաղտնի տեղեկություններ հավաքագրելու համար»։ Նա չի ընդունում իր մեղքը:
Եկատերինբուրգի Սվերդլովսկի շրջանային դատարանը Գերշկովիչի գործի քննությունը սկսել է հունիսի 26-ին։ Դատարանը երկու նիստով ավարտել է դատական քննությունը։ Դրանք տեղի են ունեցել փակ դռների հետևում։
