04.02.2026 | 22:10
«Հայաստան–Դիմակայուն Սյունիք» ծրագրի շրջանակում ստորագրվել է ջրամատակարարման ոլորտի համագործակցության հուշագիր
ԱՆ-2 ինքնաթիռ է վթարվել Եղվարդի մոտակայքում․ կա 2 զոհ
19.07.2024 | 11:10
Հուլիսի 19-ին՝ Ժամը 09։30-ին, քաղաքացուց ահազանգ է ստացվել, որ Եղվարդ քաղաքի մոտակայքում` «Լճեր» կոչվող տարածքի մոտ, ինքնաթիռ է վթարվել, հավանաբար կան զոհեր։ Այս մասին Factor.am-ի հետ զրույցում ասաց ՆԳՆ խոսնակ Նարեկ Սարգսյանը:
Ըստ խոսնակի` դեպքի վայր են մեկնել ՆԳՆ ՓԾ թիվ 46 ՀՓՋ-ից և ՀՆՓԱԻԿ-ից մեկական մարտական հաշվարկ, ՃԿԱԿ-ի, ՄՓՎ-ի և ՀՓՋ-ի օպերատիվ խմբերը։
«Պարզվել է, որ ըստ նախնական տվյալների, վթարվել է ԱՆ-2 ինքնաթիռը, կա 2 զոհ»,- ընդգծեց խոսնակը:
Սարգսյանի փոխանցմամբ` դեպքի վայրում աշխատանքը համակարգում է ՆԳՆ փրկարար ծառայության տնօրեն-ներքին գործերի նախարարի տեղակալի պարտականությունները ժամանակավոր կատարող, փ/ծ գնդապետ Եգոր Կարապետյանը։
Արփի Հակոբյան
