07.10.2026 | 23:48
Արթուր Դանիելյանը կալանավորվեց
Էրդողանը հեռախոսազրույց է ունեցել Թրամփի հետ
Քաղաքականություն
18.07.2024 | 19:52
Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել ԱՄՆ նախկին նախագահ, նախագահի հանրապետական թեկնածու Դոնալդ Թրամփի հետ։ Թուրքական կողմի հաղորդմամբ՝ զրույցի ընթացքում քննարկվել է Թրամփի դեմ մահափորձը և դրանից հետո տեղի ունեցածը։ Էրդողանը ևս մեկ անգամ դատապարտել է Դոնալդ Թրամփի դեմ իրականացված մահափորձը և շուտափույթ ապաքինում մաղթել։
Մահափորձն անվանելով հարձակում ժողովրդավարության վրա՝ Թուրքիայի նախագահն ասել է, որ սարսափելի հարձակումից հետո Թրամփի խիզախ դիրքորոշումը հիացմունք է պատճառում, և որ նրա ծրագրերի շարունակությունն ամրապնդում է ժողովրդավարությունը, իսկ դա պետք է դիտվի որպես հեռատեսության հանդեպ ամերիկյան ժողովրդի վստահության ցուցանիշ։
«Զրույցի ընթացքում նախագահ Էրդողանն ասել է, որ Թրամփը ցույց է տվել ուժեղ առաջնորդություն մահափորձից հետո բևեռացումն ու լարվածությունը նվազեցնելու համար միասնության իր ուղերձներով, և շնորհավորել է Դոնալդ Թրամփին պաշտոնապես Հանրապետական կուսակցության նախագահի թեկնածու առաջադրվելու կապակցությամբ։ Նախագահ Էրդողանը հույս է հայտնել, որ նոյեմբերին կայանալիք ԱՄՆ նախագահական ընտրությունները դրական կլինեն ամերիկացի ժողովրդի և թուրք-ամերիկյան հարաբերությունների համար»,- ասվում է թուրքական կողմի տարածած հաղորդագրությունում։
