23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Զախարովան Արևմուտքին մեղադրել է Կիևի հետ Պուտինի դեմ մահափորձ նախապատրաստելու մեջ
Քաղաքականություն
18.07.2024 | 18:51
Ուկրաինան Արևմուտքի աջակցությամբ մահափորձ էր նախապատրաստում Վլադիմիր Պուտինի դեմ, հայտարարել է ՌԴ ԱԳՆ պաշտոնական ներկայացուցիչ Մարիա Զախարովան ամենշաբաթյա ճեպազրույցի ժամանակ։
Նա հիշեցրել է ուկրաինական հետախուզության ղեկավար Կիրիլ Բուդանովի վերջին հայտարարությունը, որում նա ասում էր, որ Ուկրաինայի անվտանգության խորհուրդը նախկինում փորձել է վերացնել Պուտինին։
«Կասկած չկա, որ նման հանցագործությունները ծրագրվել և ֆինանսավորվել են Կիևի ռեժիմի անգլո-սաքսոնական տերերի անմիջական մասնակցությամբ»,- հայտարարել է ՌԴ ԱԳՆ պաշտոնական ներկայացուցիչը։
Հուլիսի 13-ին New Voice-ը հարցազրույց է հրապարակել Բուդանովի հետ, որտեղ նա ասել է, որ ուկրաինական հատուկ ծառայությունները բազմիցս փորձել են մահափորձեր կազմակերպել Վլադիմիր Պուտինի դեմ, սակայն դրանք անհաջող են եղել։ ՌԴ նախագահի մամուլի քարտուղար Դմիտրի Պեսկովը, մեկնաբանելով ուկրաինական Հետախուզության գլխավոր վարչության ղեկավարի հայտարարությունը, նշել էր, որ պետության ղեկավարի անվտանգությունն ապահովված է պատշաճ մակարդակով, քանի որ Կիևից եկող սպառնալիքն ակնհայտ է։ Նախկինում ոչ ոք պաշտոնապես չէր հայտարարել Պուտինի դեմ մահափորձի մասին։
