23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
Մասկը միլիոնավոր դոլարներ կնվիրաբերի Թրամփի քարոզարշավին. WSJ
Քաղաքականություն
16.07.2024 | 12:52
Ամերիկացի միլիարդատեր Իլոն Մասկը ցանկանում է լայնածավալ ֆինանսական աջակցություն ցուցաբերել ԱՄՆ նախագահի հանրապետական թեկնածու Դոնալդ Թրամփին՝ նրա նախընտրական քարոզարշավի շրջանակում։ Այս մասին գրում է The Wall Street Journal-ը (WSJ):
Պարբերականի աղբյուրների տվյալներով՝ Մասկը պատրաստ է Թրամփի քարոզարշավին ամեն ամիս նվիրաբերել 45 միլիոն դոլար։ Միջոցները կուղղվեն America PAC-ին:
Ավելի վաղ Bloomberg-ը հայտնել էր, որ Մասկն արդեն գաղտնի մեծ նվիրատվություն է կատարել այս կազմակերպությանը։
America PAC-ն ուղղակիորեն կապված չէ Թրամփի նախընտրական շտաբի հետ, բայց աշխատում է ԱՄՆ նախկին նախագահի համար «կուլիսներում»՝ զբաղվելով ընտրողներին քարոզելով և լրատվամիջոցներում պատվիրված նյութերը վերահսկելով, պարզաբանել է Bloomberg-ը:
WSJ-ի փոխանցմամբ՝ America PAC-ը գրանցում է ընտրողներին տատանվող նահանգներում և կոչ է անում նրանց վաղաժամ քվեարկել:
ԱՄՆ-ում քաղաքական գործողությունների հանձնաժողովը կազմակերպություն է, որը համախմբում է դոնորներին, ովքեր գումար են նվիրաբերում նախագահի թեկնածուներից մեկի քարոզարշավին: Նման հանձնաժողովներին նվիրատվության չափի սահմանափակում չկա:
