17.02.2026 | 16:03
Վարչապետը շնորհավորական ուղերձներ է հղել Չինաստանի նախագահին և պետական խորհրդի նախագահին
ՀՀ-ն ունի քաղաքական կամք հնարավորինս շուտ կնքելու խաղաղության պայմանագիր. Միրզոյան
Քաղաքականություն
10.07.2024 | 22:27
Հայաստանի արտգործնախարար Արարատ Միրզոյանը շնորհակալություն է հայտնել ԱՄՆ պետքարտուղար Էնթոնի Բլինքենին Վաշինգտոնում եռակողմ հանդիպում կազմակերպելու համար: Այս մասին X-ի իր միկրոբլոգում գրել է Միրզոյանը։
«Ինչպես հայտարարվել է Հայաստանն ունի քաղաքական կամք հնարավորինս շուտ ավարտելու և կնքելու Ադրբեջանի հետ խաղաղության պայմանագիր, որի նպատակն է Հարավային Կովկասում կայուն խաղաղության և կայունության հաստատումը»,- ասված է գրառման մեջ:
Ավելի վաղ տեղեկացրել էինք, որ տեղի է ունեցել ՀՀ ԱԳ նախարար Արարատ Միրզոյանի և Ադրբեջանի ԱԳ նախարար Ջեյհուն Բայրամովի հանդիպումը:
Վերջին մեկուկես տարվա ընթացքում Հայաստանն ու Ադրբեջանը շատ կարևոր աշխատանք են կատարել բանակցությունների և խաղաղության համաձայնագրի կնքման ուղղությամբ։ Այս մասին հայտարարել է ԱՄՆ պետքարտուղար Էնթոնի Բլինքենը ՀՀ ԱԳ նախարար Արարատ Միրզոյանի և Ադրբեջանի ԱԳ նախարար Ջեյհուն Բայրամովի հետ հանդիպմանը։
