17.02.2026 | 01:59
Կարինա Ակոպովան ու Նիկիտա Ռախմանինը 14-րդ տեղը գրավեցին ձմեռային Օլիմպիական խաղերում
Բաքուն և Երևանը մոտ են խաղաղության պայմանագրի կնքմանը. Բլինքեն. ՏԵՍԱՆՅՈՒԹ
Քաղաքականություն
10.07.2024 | 21:12
Վերջին մեկուկես տարվա ընթացքում Հայաստանն ու Ադրբեջանը շատ կարևոր աշխատանք են կատարել բանակցությունների և խաղաղության համաձայնագրի կնքման ուղղությամբ։ Այս մասին հայտարարել է ԱՄՆ պետքարտուղար Էնթոնի Բլինքենը ՀՀ ԱԳ նախարար Արարատ Միրզոյանի և Ադրբեջանի ԱԳ նախարար Ջեյհուն Բայրամովի հետ հանդիպմանը։
Նա նշել է, որ խաղաղության հաստատումը բացառիկ հնարավորություններ կբացի երկու երկրների, տարածաշրջանի և Միացյալ Նահանգների հետ նրանց հարաբերությունների համար:
«Այս գործընթացի ընթացքում Միացյալ Նահանգները ձգտել է օգնել և աջակցել՝ Եվրամիության և Եվրոպայի բազմաթիվ գործընկերների հետ միասին»,- ասել է Բլինքենը։
Ըստ ամերիկացի պաշտոնյայի՝ այս օրը հնարավորություն է ընձեռում գնահատել ձեռք բերված առաջընթացը և այն, ինչ մնացել է անելու:
«Բայց ելնելով այն բոլոր պարտավորություններից, որոնք մենք ունեցել ենք, այդ թվում՝ վերջին շաբաթների ընթացքում, ես կարծում եմ՝ երկու երկրներն էլ շատ մոտ են վերջնական համաձայնության հասնելուն, ինչին Միացյալ Նահանգները վճռականորեն կաջակցի: Այնպես որ՝ շատ շնորհակալ եմ այսօրվա համար, որպեսզի կարողանամ նորից գնահատել, թե որտեղ ենք մենք, և տեսնել, թե ավելին ինչ կարող է անել Միացյալ Նահանգները՝ համաձայնության հասնելու հարցում ձեզ օգնելու համար»,- հայտարարել է Էնթոնի Բլինքենը։
Մանրամասները՝ տեսանյութում։
