07.10.2026 | 20:18
Ավինյանի խոստումից 4 ամիս անց․ ինչու է դադարել Արին Բերդի փողոցի 1 մլրդ դրամանոց հիմնանորոգումը. ՏԵՍԱՆՅՈՒԹ
Ուկրաինական ԱԹՍ-ները հարձակվել են ռուսական ռազմական օդանավակայանի վրա․ Reuters
Քաղաքականություն
09.07.2024 | 22:14
Ուկրաինական անօդաչու թռչող սարքերը հարձակվել են ռուսական նավթավերամշակման գործարանի, ռազմական օդանավակայանի և էլեկտրական ենթակայանի վրա Կիևի ուժայինների և ռազմական հետախուզության գիշերային համատեղ գործողության ընթացքում։ Այս մասին հայտնում է Reuters-ը՝ հղում անելով Ուկրաինայի անվտանգության ուժերի աղբյուրին, գրում է BBC-ի ռուսական ծառայությունը։
Աղբյուրի տվյալներով՝ հարվածները հասցվել են Աստրախանի շրջանի հարավում գտնվող Ախտուբինսկի օդանավակայանին, Վոլգոգրադի մարզում գտնվող նավթավերամշակման գործարանին և Ռոստովի մարզում գտնվող էլեկտրական ենթակայանին։
Ախտուբինսկի օդանավակայանը պատկանում է ՌԴ ՊՆ 929-րդ պետական թռիչքային փորձարկման կենտրոնին, դրանից 20 կմ հեռավորության վրա է գտնվում Ռուսաստանում ամենամեծ օդային փորձարկման վայրը՝ Գրոշևոն։
Ռուս զինվորականները չեն մեկնաբանել այս հաղորդագրությունները, սակայն ավելի վաղ հայտարարել էին Աստրախանի շրջանի հյուսիսում ԱԹՍ-ների զանգվածային հարձակման մասին, իսկ Զնամենսկում սահմանվել էր ահաբեկչական վտանգի կարմիր մակարդակ։
