10.05.2025 | 20:00
Թուրքիայում բախվել են բեռնատարն ու ավտոբուսը. կան զոհեր
«Էդմոն Մարուքյանը հատուկ հանձնարարություններով ընդդիմադիր է․ հանձնարարված է՝ ՀՀԿ-ի դեմ աշխատել»․ Հայկ Մամիջանյան. ՏԵՍԱՆՅՈՒԹ
Քաղաքականություն
09.07.2024 | 21:10
Այն, որ 2020-ից ի վեր ընդդիմության 5-րդ փորձը չավարտվեց իշխանափոխությամբ, այս անգամ Տավուշի փրկության կարգախոսով, չի՞ նշանակում, որ ընդդիմադիրները չկարողացան հասարակությանը ներկայացնել մրցակցային լուծում՝ Փաշինյանից ավելի լավ։ Եվ Փաշինյանի սահմանային փշալարերն ու սյուները գուցե ընկալո՞ւմ ունեցան հանրության շրջանում՝ իբրև սահմանային անվտանգության գործոններ։ ՀՀ ԱԺ «Պատիվ ունեմ» խմբակցության ղեկավար Հայկ Մամիջանյանից Factor TV-ի հետ զրույցում ճշտեցինք նաև՝ ի վերջո, վերլուծե՞լ են, ինչո՞ւ ի սկզբանե բազմամարդ ընդդիմադիր շարժումը՝ Բագրատ արքեպիսկոպոս Գալստանյանի ղեկավարած, աստիճանաբար դարձավ սակավաթիվ՝ այն բանից հետո, երբ ակնհայտ դարձավ ԱԺ ընդդիմության մասնակցությունը, համակարգումը։ Ի՞նչը հեռացրեց մարդկանց հրապարակներից։
«Չկարողացանք Փաշինյանի ստերը․․․ քաղաքացիներին իրականությունը ներկայացնել, եկեք մեղավոր չփնտրենք։ ՀՀԿ-ն սևագործ բանվորի պես աշխատելու է՝ Փաշինյանին հեռացնելու համար․ թիվ 1 նպատակը իշխանափոխությունն է։ Սրբազան պայքարի հաջողման համար արել ենք ամենը»։
Պարոն Մամիջանյանը համոզմունք ունի, որ Նիկոլ Փաշինյանը կգնա ամեն քայլի, անգամ՝ «իր ձեռքով դուրս կգա՝ կկրակի մարդկանց վրա, բայց հրաժարական չի տա»։ Ըստ այդմ, ընդդիմադիր գործիչը եթերում խոստովանում է, որ Սրբազան պայքարի՝ ուղիղ հրաժարականի պահանջի մեջ խնդիր են տեսնում։ Նա անդրադարձավ նաև Էդմոն Մարուքյանի և Սուրեն Պետրոսյանի կողմից ԱԺ-ի ընդդիմության ուղղությամբ հնչեցված քննադատություններին։
Հարցազրույցն ամբողջությամբ՝ տեսանյութում։
Ռոբերտ Անանյան
