07.10.2026 | 23:00
Երթևեկության կազմակերպման փոփոխություն՝ Հակոբ Պարոնյան փողոցում
ՌԴ ԱԴԾ-ն հայտարարել է, թե խափանել է Տու-22Մ3 ռմբակոծիչն առևանգելու՝ Ուկրաինայի հատուկ ծառայությունների փորձը
Քաղաքականություն
08.07.2024 | 11:48
ՌԴ ԱԴԾ-ն հայտարարել է, որ կանխել է ուկրաինական հատուկ ծառայությունների փորձը՝ հավաքագրելու ռուս օդաչուին Տու-22Մ3 գերձայնային ռազմավարական ռմբակոծիչն առևանգելու նպատակով։ Այս մասին հայտնում է «Ինտերֆաքս»-ը՝ ռուսական հետախուզական ծառայությանը հղումով, փոխանցում է Meduza-ն։
Ըստ ԱԴԾ-ի՝ Ուկրաինայի հատուկ ծառայություններն օդաչուին գումար են խոստացել և Իտալիայի քաղաքացիություն՝ փորձելով համոզել նրան «թռչել և վայրէջք կատարել Ուկրաինայում»: Mash տելեգրամ-ալիքի տվյալներով՝ օդաչուին, իբր, երեք միլիոն դոլար են խոստացել։
ԱԴԾ-ն պնդում է, որ բացահայտվել է «ՆԱՏՕ-ի երկրների հետախուզական ծառայությունների ներգրավվածությունը գործողության նախապատրաստմանը և իրականացմանը»։
Ռուսական հետախուզական ծառայությունը մոնտաժված տեսանյութ է տարածել, որում օդաչուն, որի դեմքը քողարկված է, ասում է, որ ուկրաինական հետախուզական ծառայությունների ներկայացուցիչը Տելեգրամի միջոցով կապվել է իր հետ՝ առաջարկելով առևանգել հրթիռակիրը։
«Տելեգրամում անծանոթ մեկը գրել է։ Նա սկսել է միանգամից սպառնալիքներ հնչեցնել իմ հարազատների հասցեին, պահանջել է հրկիզել ավիացիոն տեխնիկան։ Ասում էր՝ «տուր ինձ ինքնաթիռի տվյալները տեխնիկական վիճակի, կանոնակարգերի, ժամանակացույցի մասին»։ Գնացի հրամանատարության մոտ ու ամեն ինչ պատմեցի։ Զրուցակիցս նույնիսկ չթաքցրեց, որ Ուկրաինայի հատուկ ծառայություններից է։ Ներկայացել է Պավլո և առաջարկել մարտական ինքնաթիռն առևանգել ու տանել Ուկրաինայի տարածք։ Բայց ոչ միայն ինքնաթիռ, այլ հեռահար հրթիռ կրող ռմբակոծիչ, միջուկային զենք կրող»,- ասում է օդաչուն տեսանյութում։
Ուկրաինայի իշխանությունները դեռևս չեն մեկնաբանել ՌԴ ԱԴԾ-ի այս հայտարարությունը։
