Հաղորդաշարեր
10.07.2024 | 19:00Սարուշեն գյուղում բնակվող Իսրայելյանների ընտանիքը 2023թ-ի սեպտեմբերի 19-ին 3 զոհ է ունեցել։ 6 օր անց, բենզալցակայանի պայթյունի ժամանակ զոհվել է նաև ընտանիքի չորրորդ անդամը։
Սարուշենը Ադրբեջանին սահմանակից էր դարձել 44-օրյա պատերազմից հետո։ Երբ Ադրբեջանը հերթական ռազմական գործողություններն է սկսել, պատմության ուսուցիչ Արտակը, նրա հորեղբայրը՝ Անդրեյը և փեսան՝ Վալերին, զենք են վերցրել ու մյուս համագյուղացիների հետ մասնակցել գյուղի ինքնապաշտպանությանը։
Երբ 36-ամյա Արտակը վիրավորում է ստացել, հորեղբայրը նրան իր մեքենայով փորձել է հոսպիտալ հասցնել, սակայն արդեն Ադրբեջանի վերահսկողության տակ անցած ճանապարհին մեքենան կանգնեցրել են և նրանց սպանել։
Քանի որ դիերը խոշտանգված են եղել, մայրը՝ Հրանույշը, ստիպված է եղել ԴՆԹ անալիզ հանձնել՝ որդուն նույնականացնելու համար։
Փեսան՝ Վալերին էլ զոհվել է ընկերոջը օգնության գնալու ճանապարհին։ Հիմա ընտանիքում 6 երեխա մեծանում է առանց հայր։ Ընտանիքը Օշականի տներից մեկում վարձով է բնակվում՝ դժվարին սոցիալական պայմաններում եւ անորոշ ապագայով։
Ալեքսանդր Մարտիրոսյան
