09.09.2026 | 14:41
Իսրայելը կփակի Մեծ Բրիտանիայի հյուպատոսությունը Երուսաղեմում՝ ի պատասխան Լոնդոնի պատժամիջոցների
ՈՒԵՖԱ-ն հետաքննություն է սկսել թուրք ֆուտբոլիստի նկատմամբ՝ «Գորշ գայլերի» նշանը ցույց տալու համար
Քաղաքականություն
03.07.2024 | 15:35
ՈՒԵՖԱ-ն հետաքննություն է սկսել Թուրքիայի հավաքականի պաշտպան Մերիհ Դեմիրալի կողմից ծայրահեղ ազգայնական «Գորշ գայլեր» կազմակերպության նշանը ցույց տալու հետ կապված, գրում է Mirror-ը:
«2024 թվականի հուլիսի 2-ին Գերմանիայի Լայպցիգ քաղաքում անցկացված ՈՒԵՖԱ-ի Եվրոպայի առաջնության 16-րդ տուրի Ավստրիա-Թուրքիա խաղի առնչությամբ հետաքննություն է սկսվել ՈՒԵՖԱ-ի Կարգապահական կանոնակարգի 31-րդ հոդվածի 4-րդ կետի համաձայն՝ Թուրքիայի ֆուտբոլի հավաքականի խաղացող Մերիհ Դեմիրալի ենթադրյալ ոչ պատշաճ պահվածքի առնչությամբ»,- ասվում է հայտարարության մեջ։
ՈՒԵՖԱ-ի Անվտանգության կանոնակարգում ասվում է. «Որևէ կերպ քաղաքական հաղորդագրությունների կամ այլ քաղաքական գործողությունների գովազդումը կամ հայտարարությունը մարզադաշտի ներսում կամ նրա անմիջական հարևանությամբ խստիվ արգելվում է խաղից առաջ, ընթացքում և հետո»:
Հիշեցնենք, որ Ավստրիա-Թուրքիա հանդիպման ժամանակ թուրք ֆուտբոլիստ Մերիհ Դեմիրալը ցույց է տվել ծայրահեղ ազգայնական, նեոֆաշիստական «Գորշ գայլերի» նշանը։ Հանդիպման առաջին իսկ րոպեին Թուրքիայի հավաքականի պաշտպան Դեմիրալը բացել էր խաղի հաշիվը։ Երկրորդ խաղակեսում պաշտպանը դուբլ էր ձևակերպել և իր հաջողությունը տոնել նեոֆաշիտական կազմակերպության նշանը ցուցադրելով։
Էմմա Չոբանյան
