Անկարայում ձերբակալվել է թուրք գեներալ, որը մեղադրվում է Սիրիայից Թուրքիա մարդկանց մաքսանենգ ճանապարհով տեղափոխելու համար

Անկարայում ձերբակալվել է  թուրք գեներալը, որը մեղադրվում է իր ծառայողական մեքենայով Սիրիայից Թուրքիա մաքսանենգ ճանապարհով մարդկանց տեղափոխելու համար։ Այս մասին  հայտնում է Halk TV –ին, որին վկայակորչում են թուրքական այլ լրատվամիջոցները։

Հաղորդվում է, որ նախկին գեներալը Բ․Չ.-ն է, որը տեղափոխվել է երկրի հարավարևելյան Շանլըուրֆա նահանգ, որտեղ նրա նկատմամբ հետաքննություն է սկսվել Անկարայում ձերբակալվելուց հետո։

Մայիսին տեղի ունեցած միջադեպի մասին առաջինը հայտնել էր Cumhuriyet-ի լրագրող Բարըշ Թերքօղլուն։ Նա նշել էր, որ իշխանությունները հրամայել էին խուզարկել մեքենան, որն ազատված է սովորական ստուգումներից, և պարզվել է, որ դա  բրիգադային գեներալ Բ. Չ.-ի մեքենան է և օգտագործվում է մարդկանց մաքսանենգ ճանապարհով փողի դիմաց սահմաններով տեղափոխելու համար:

Գործողությանը մասնակցած գեներալի օգնականը և թիկնապահը կալանավորվել էին։ Նախարարության աղբյուրները հաստատել էին, որ Բ.Չ.-ն գտնվում է հետաքննության մեջ և ստիպված է եղել թոշակի անցնել:

Նշենք, որ Թուրքիան ուղիղ վերահսկողություն է հաստատել Սիրիայի հյուսիսում գտնվող տարածքների վրա։

Իրավապաշտպան կազմակերպությունները, որոնք վերահսկում են տարածաշրջանը, այդ ժամանակվանից մեղադրում են թուրք զինվորներին և Անկարայի աջակցությունը վայելող ապստամբներին անդրսահմանային հարձակումների ժամանակ տեղի բնակչության դեմ ռազմական հանցագործություններ կատարելու համար:

Էմմա Չոբանյան