23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
Գառնիի գյուղապետը 2007 թվականին համայնքին պատճառել էր ավելի քան 29-միլիոն դրամի վնաս
Հասարակություն
27.06.2024 | 18:04
Ոստիկանության Կոտայքի մարզային վարչության ծառայողներն օպերատիվ տեղեկությունն իրացրին Կոտայքի բաժնի գործընկերների հետ: Ձեռք բերված փաստական տվյալների համաձայն՝ կատարվել էր հետևյալը․ տեղեկացնում են ՆԳՆ-ից։
Կառավարության 2006 թվականի հուլիսի 27-ի որոշմամբ «Գալակտիկա» ՓԲ ընկերությանը պատկանող հողամասից Գառնիի գյուղական համայնքին անհատույց տրամադրվել էր 4141 հեկտար տարածք:
Այս գործարքից հետո Գառնիի գյուղապետարան են այցելել բարձրաստիճան պաշտնյայի մտերիմ ազգական ներկայացած մի անձ և Ազգային ժողովի աշխատակազմի օրենսդրության վերլուծության և զարգացման վարչության պետի տեղակալը ու համայնքի ղեկավարից պահանջել հիշյալ հողամասից 1,5 հեկտար տարածք հատկացնել իրենց:
Բարձրաստիճան անձանց հրահանգը կատարելու նպատակով Գառնի գյուղի համայնքապետը, օրինական հիմքերի բացակայության պայմաններում, 2007 թվականի հունվարի 19-ի թվագրմամբ կազմել և ստորագրել է գոյություն չունեցող պաշտոնական փաստաթղթի քաղվածք, ապա խախտելով “Հրապարակային սակարկությունների մասին” օրենքի պահանջները՝ առանց կազմակերպելու հրապարակային աճուրդ նույն թվականի օգոստոսի 10-ին հաստատել է արձանագրություններ, իսկ օգոստոսի 21-ի պայմանագրերով հիշյալ անձանց և նրանց փոխկապակցված ևս մեկ անձի, ընդամենը 315 հազար դրամով, օտարել է 1,5 հեկտար հողամասը, այն դեպքում, երբ դրա շուկայական արժեքը 30 միլիոն դրամ էր: Այս կերպ ծառայողական լիազորություններն օգտագործելով` համայնքի ղեկավարը համայնքի օրինական շահերին պատճառել է առանձնապես խոշոր չափերի գույքային վնաս:
Առերևույթ հանցանքի մասին կազմված փաստաթղթերն ուղարկվել են Կոտայքի մարզային քննչական վարչություն: Քրեական օրենսգրքի 445-րդ և 283-րդ հոդվածների հատկանիշներով նախաձեռնվել է քրեական վարույթ:
