21.07.2026 | 23:30
Էլեկտրամատակարարման ընդհատումներ՝ Երևանում ու մարզերում
Բայրամովը Խովաևի հետ ՀՀ-Ադրբեջան կարգավորման գործընթացն է քննարկել
Քաղաքականություն
25.06.2024 | 20:53
Ադրբեջանի արտաքին գործերի նախարար Ջեյհուն Բայրամովն այսօր ընդունել է հայ-ադրբեջանական հարաբերությունների կարգավորման հարցերով ՌԴ ԱԳՆ հատուկ ներկայացուցիչ Իգոր Խովաևին։
Ըստ Ադրբեջանի ԱԳՆ-ի՝ հանդիպմանը քննարկվել են ադրբեջանա-ռուսական երկկողմ հարաբերությունները, Ադրբեջանի և Հայաստանի միջև խաղաղության գործընթացի ներկա իրավիճակը և հեռանկարները, տարածաշրջանում վերջին զարգացումները, ինչպես նաև տարածաշրջանային խնդիրներ։
«Բայրամովը տեղեկատվություն է փոխանցել Ադրբեջանի և Հայաստանի միջև խաղաղության համաձայնագրի նախագծի շուրջ բանակցությունների ընթացքի մասին։ Նշվել է, որ այս գործընթացում հիմնական խոչընդոտը Հայաստանի Սահմանադրությամբ և այլ օրենսդրական ակտերով Ադրբեջանի տարածքային ամբողջականության նկատմամբ շարունակվող պահանջներն են»,- ասվում է ադրբեջանական կողմի հաղորդագրության մեջ։
Հանդիպմանը քննարկվել են նաև երկկողմ հետաքրքրություն ներկայացնող այլ հարցեր։
