07.10.2026 | 16:53
«Հայ, թուրք, ադրբեջանցի․ ինչի՞ համար են էդ շահարկումները»․ Նիկոլ Փաշինյան․ ՏԵՍԱՆՅՈՒԹ
Ադրբեջանում 44-օրյա պատերազմի հերթական մասնակիցն է ինքնահրկիզման հետևանքով մահացել
Քաղաքականություն
25.06.2024 | 16:04
Ադրբեջանում Արցախյան 44-օրյա պատերազմի հերթական մասնակիցն է մահացել։ Նա ինքնահրկիզվել է։ Ադրբեջանական լրատվամիջոցների հաղորդմամբ՝ հունիսի 18-ին Աղստաֆայում պատերազմի մասնակից Էլվին Ալիևը ինքնահրկիզվելուց հետո հիվանդանոցում մահացել է։ 32-ամյա Էլվին Ալիևը մահացել է հունիսի 23-ին Բաքվի Այրվածքների կենտրոնում, որտեղ բուժվում էր։ Ինքնասպանության փորձից գանմիջապես հետո տարվել է Աղստաֆայի կենտրոնական հիվանդանոց։ Այնտեղ առաջին բուժօգնությունից հետո նրան տեղափոխել են Բաքու՝ Այրվածքների կենտրոն։ Այստեղից լրատվամիջոցներին հայտնել են, որ հայտնել են, որ Էլվին Ալիևը ծանր վիճակում է եղել։
«Նրա մարմնի ավելի քան 70 տոկոսն այրվել էր։ Նրա վիճակը շատ ծանր էր։ Ձեռնարկվել են բոլոր անհրաժեշտ միջոցները նրա կյանքը փրկելու համար, բայց հնարավոր չի եղել»,- լրագրողներին հայտնել են Բաքվի այրվածքաբանության կենտրոնից։
2020 թվականին Էլվին Ալիևն Արցախի դեմ սանձազերծված պատերազմի ժամանակ գլխի ծանր վնասվածք է ստացել, նա 3-րդ խմբի հաշմանդամ է ճանաչվել։ 2021 թվականի նոյեմբերին էլ ԶԼՄ-ներում հրապարակվել էր Էլվին Ալիևի բողոքը Աղստաֆայում ոստիկանների կողմից ծեծի ենթարկվելու վերաբերյալ։ Նրա մայրը՝ Շավքաթ Ալիևան, պատմել էր, որ իր որդուն ծեծի են ենթարկել շրջանային ոստիկանության բաժանմունքի 3-4 աշխատակից։ Արդյունքում նա հոսպիտալացվել էր։
Հավելենք, որ հունիսի սկզբին էլ 44-օրյա պատերազմի մեկ այլ մասնակից էր ինքնահրկիզվել։ Դաշքեսանում Չիրաղլի գյուղի բնակիչ 28-ամյա Ադալեթ Իսմայիլովը բենզին էր լցրել իր վրա ու ինքնահրկիզվել։ Նա նույնպես Բաքվի հիվանդանոցներից մեկում մահացել է։
Արցախի դեմ սանձազերծված 44-օրյա պատերազմի ադրբեջանցի մասնակիցների շրջանում ինքնասպանության դեպքերի թիվը, ըստ տարբեր տեղեկությունների, գերազանցում է 80-ը։ Նրանք կյանքին վերջ են տվել հիմնականում ինքնահրկիզման, կախվելու միջոցով, 50-ից ավելին էլ ինքնասպանության փորձ է կատարել։
Էմմա Չոբանյան
